MATIUS 26:63 - Alkitab Singog In Mongondow Masa In Tanaa

⁶³ Táe ki Yesus tongábí kibio-biómai. Bo imang moḷoben tatua in noguman kon i-Nia: “Popodoyon kon i Allah inta nobiag, yo pogumankadon kon inami, mongo Iko degá in ki Mesias ki Adí i Allah, andeka, deeman?”

MATIUS 26:63 ပူးပေါင်းရင်းမြစ်များ

DATU MITA IMITÁNEA 22:16

Ki Ahab in notubag, “Aka iko bo mosingog kon inakó podoyon kon tangoi i Tuhan, yo pogumandon onu inta totuu. Kotongonudon in iko inogoianku in tompoingat kon soaḷ tatua?”

TAWARIKH 2 18:15

Ki Ahab in notubag, “Aka iko bo mosingog podoyon kon tangoi Tuhan, yo pogumanbí inta totuu. Kotongonu degá in akuoi moguman kon inimu kon soaḷ tatua?”

MAZMUR 42:2

Naonda bo rusa monanob kon tubig in ongkag, natuata in dimukudku monanob kon ini-Mu, o Allah.

AMSAL 29:24

Intau inta moyopopog in mononakow, notongkaibí in doí kon awaknea tontaní. Aka sia moguman kon tutuu kon pongadilan, sia in popoḷabúanbí in hukuman. Táe aka sia tongá kibio-biómai, yo sia in kotugatan in kutuk i Allah.

YESAYA 53:7

Iromu-romúmai in pinogogaid kon inia, táe binabanea intua takin gina nosabar. Diábí in sia noposingo-singog naonda bo ki adí in domba inta dinia kon tampat pororataan andeka ki iná in domba inta kinarugan in bubuḷnea.

DANIEL 3:16

Ki Sadrakh, ki Mesakh bo ki Abednego in notubag, “Tuang inta momulia, kami in diábí monungkuḷ moposaḷamat kon awak nami.

IMAMAT 5:1

Kuruban pongampung kon dosa tua in paraḷu posumba kon dodai in kaadaan tanaa: Aka intau tobatú pinoigum mobogoi in katarangan kon bonu in pongadilan, táe diá nobogoi in katarangan soaḷ onu inta ain inontong ande inta dinongognea nodapot in sia musti motarima kon akibatnea.

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MATIUS 26:62

Imang moḷoben in sinimindog bo noḻibó kon i-Nia, “Degá diá tubagan-Mu in singog mita inta pinonapud in intau mita tanaa kon ini-Mu?”

MATIUS 27:12

Táe wakutu in imang mita itoi bo guhanga mita in ḻipú noponapud in tosingogon kon i-Nia, diábí sinokotubagan-Nea.

MATIUS 27:14

Tongá diá inabatan-Nea totontagámai, sahingga in noherang totok in ki Gubernur tatua.

MATIUS 27:40

Mosia in noguman, “Ei iko inta moibog mogumpag kon Baḷoi Tuhan, bo bui moposindog kon daḷom in toḷu nosinggai, aka Iko ki Adí i Allah, yo posaḷamatdon in awak-Mu tontaní bo poponagdon nongkon kayu pinoyotaḻempang tanion!”

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

MATIUS 27:54

Itoi in tontara takin prajurit-Nea inta noḷukad kon i Yesus noondokdon totok naonda in nokoontong kon ḻinug bo onu inta aindon nobaḻí tatua, bo mosia nosingog, “Totuubí, kon Sia naa in ki Adíbí i Allah!”

MATIUS 4:3

Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

MARKUS 14:61

Táe tongá kibio-biómai in ki Yesus. Totokbí in doí notubag in Sia. Bo buipa doman imang moḷoben tatua noḻibó kon i-Nia, “Degá iko nion Datu Mopoposaḷamat, ki Adí i Allah inta Totok in mokudus?”

YOHANES 1:34

Bo inontongkudon tontaní intua,” guman i Yohanes, “Bo potaaukudon kon i monimu kon Siabí tua in ki Adí i Allah.”

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 10:24

Dodai intua intau mita in Yahudi namangoi noḻipung kon i Yesus. Mosia in noguman, “Modapot in toonu in pomayá-Mu mako in kami diá motantú in pirisaya? Pogumankadon kosilang, aka Iko nion totu-totuu Datu Mopoposaḷamat.”

YOHANES 10:30

Akuoi bo ki Amá in tobatúbí.”

YOHANES 10:36

Yo nongonu sin singogonbí monimu kon Akuoi in mohojat kon i Allah popisí in Akuoi noguman kon Akuoi in ki Adí i Allah? Bokaka Akuoi in piniḻíbí i Amá bo pinotabá namangoi in dunia.

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

YOHANES 19:7

Intau mita in Yahudi tatua in noguman, “Podudui in hukum nami, Sia in musti hukumon matoi sin Sia in nongaku ki Adí i Allah.”

YOHANES 19:9

Dá sia in sinumuot bui kon komaḻig bo naonda in ki Yesus dinia pinotuot, ki Pilatus in noḻibó kon i-Nia, “Nongkon ondabí in Iko nion?” Táe diá sinubagan i Yesus.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 6:69

Kami naa in nopirisaya bo noyakin bidon kon ki Tuhanbí in totabá inta motusi nongkon i Allah.”

YOHANES 8:25

Mosia in noḻibó bui, “Sabanarnea ki inebí Iko nion?” Ki Yesus in notubag, “Onupabí in mangaḻe mongonguman takin monimu nion!

KORINTUS 2 1:19

Sin ki Yesus Kristus, ki Adí i Allah inta ain pinohabarku bo pinohabar i Silas, bo i Timotius, kon i monimu, deemanbí intau inta topí-topí moguman “Oo” bo topí-topí doman moguman “Diá”. Sia tua in aka modandi yo totu-totuubí mobaḻí.

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

SAMUEL 1 14:24

Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.

SAMUEL 1 14:26

táe diábí in tobatúmai in nokaan kon biluk tatua, sin moondok in kotugatan in kutuk inta siningog i Saul.

SAMUEL 1 14:28

Onda intua tontara tobatú inta kon sigad mita in tontara tatua noguman kon inia, “Kami komintan in diádon kodaya sin gogoyon. Táe ki amá i Tuang ain nonontot kon inami takin ibot, kainia, ‘Kutukondon in intau inta nongaan kon singgai in naa.’ ”