MATIUS 26:58 - Alkitab Singog In Mongondow Masa In Tanaa

⁵⁸ Ki Petrus in dinumudui kon i-Nia nodapot in palas i imang moḷoben tongá iyumayú. Naonda in kon palas tatua sia iḻimitú kon sigad in intau inta moḷoḷukad mita sin moindoi kon onu inta mobaḻí modapot in mopaḷut.

MATIUS 26:58 ပူးပေါင်းရင်းမြစ်များ

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MATIUS 5:25

Aka iko bo koyota-yotakin in saturumu, yo ḷagidon poramuji moyobayat kon dodai in kon daḷanpa, sinbá diá posarakannea in iko kon hakim, bo hakim tatua moposarakan kon moḷoḷukad kon ponjara, bodongka bonuon monia kon ponjara in iko.

LUKAS 22:54

Ki Yesus in dinomok monia bo dinia pinobayá in baḷoi i imang moḷoben. Ki Petrus in dumuduianmai kon i monia, táe nongkon moyayú.

YOHANES 18:25

Ki Simon Petrus in sinimindogpa doman mako bo nonayang kon tua. Intau mita kon tua in noguman kon inia, “Iko doman in murí in Intau tatua ma?” Táe ki Petrus nomayow, “Deeman!”

YOHANES 19:6

Naonda in imang mita itoi bo pongawal mita tatua nokoontong kon i Yesus, mosia in nomaḷú, “Popopakúdon in Sia kon kayu pinoyotaḻempang! Popopakúdon in Sia kon kayu pinoyotaḻempang!” Dá ki Pilatus in noguman kon i monia, “Gamádon in Sia, bo popopakúdon monimu tontaní kon kayu pinoyotaḻempang, sin akuoi in diábí nokouḻí kon tobatúmai in taḷá kon i-Nia.”

YOHANES 7:32

Kinodongogandon in intau mita in Parisi onu in iyogombong in intau moantó soaḷ ki Yesus. Tuamai, mosia takin imang mita itoi nopotabá kon tongonumai in moḷoḷukad kon Baḷoi Tuhan bo modomok kon i Yesus.

YOHANES 7:45

Naonda in moḷoḷukad mita kon Baḷoi Tuhan inta pinotabá minayá modomok kon i Yesus nobuidon mangoi, imang mita itoi bo intau mita in Parisi noḻibó kon i monia, “Nongonu sin diábí dinia mangoi monimu kon naa in Sia tua?”

OUMAN IN RASUL MITA 5:22

Táe naonda intau mita inta pinotabá tatua minayá in ponjara, kinobayáanmai monia rasul mita tatua diádon in kon ponjara, dá nobui in mosia bo nopotaau kon soaḷ tatua kon mahkama.

OUMAN IN RASUL MITA 5:26

Dá bui bo binayá ginamá in itoi mita inta moḷoḷukad kon Baḷoi Tuhan bo in intaunea mita in mosia. Táe ki pia-piabímai in mosia in nodia kon i monia, sin moondok kon intau moantó kon tua sin dikabo ara bo monia.