MATIUS 26:53 - Alkitab Singog In Mongondow Masa In Tanaa

⁵³ Andeka iraimumai yo degá Akuoi in diábí motaau mokituḷung kon i Amá-Ku, bá ḷagi-Nea potabá mangoi in noiḻiu kon mopuḷú bodoyowá in tontara malaekat motuḷung kon i-Nakó?

MATIUS 26:53 ပူးပေါင်းရင်းမြစ်များ

DATU MITA 2 6:17

Bo ki Elisa in nosambayang, “Tuhan, igumon mako bukatanmu in mata in bobantungku sinbá mokoontong in sia!” Dinuduian i Tuhan in sambayang i Elisa dá naonda in bobantungnea tatua nobobui, inontongnea in buḷud tatua nopuḻing in kabaḷo bo kereta takin tuḷú noḻibu noḷukad kon i Elisa.

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

MATIUS 4:11

Ibilis nonaḷámai kon i-Nia, bo malaekat mita in namangoi nosumba kon i Yesus.

MARKUS 5:15

Mosia in namangoi kon i Yesus, bo inontongdon monia intau inta koina kinotoḷangan in dimukud moraat tatua, iḻimitúdon mako kon tua, ain nogiḷambung bo noratakdon in raiannea. Dá noondokdon in mosia komintan.

MARKUS 5:9

Ki Yesus in noḻibó kon inia, “Ki ine in tangoimu?” Tubagnea, “Tangoiku ‘ki Legion’ sin mobarong totok in kami!”

LUKAS 8:30

Ki Yesus in noḻibó kon intau tatua, “Ki ine in tangoimu?” Tubagnea doman, “Tangoiku ‘ki Legion’,” – sin nobayong totok in dimukud moraat in sinumuot kon inia.

YOHANES 10:18

Diábí tobatúmai in motaau mogamá nongkon i-Nakó. Akuoi in moposarakan intua, poduduibí in ibog tontaní. Akuoi in kokawasabí moposarakan intua, bo kokawasabí mogamá bui. Tuabí in oaidan inta sinarima-Ku nongkon i Amá-Ku.”

YOHANES 18:36

Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus