MATIUS 26:52 - Alkitab Singog In Mongondow Masa In Tanaa

⁵² Ki Yesus in noguman kon inia, “Tungkogdon bui in pitowmu kon gumánea, sin ki ine in momaké in pitow, yo sia in matoi doman in pitow.

MATIUS 26:52 ပူးပေါင်းရင်းမြစ်များ

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

IḶUAIAN 21:12

“Ki ine in momongkug kon intau ibanea modapot in matoi, yo mustibí hukumon matoi in sia.

MATIUS 5:39

Táe Akuoi in moguman kon inimu: Donaai moiko motuḻí kon intau inta nopoaid in moraat kon inimu. Táe nanaabí in aidai, aka ki ine in monokap kon putongimu koḷanan, yo ogoi doman in putongimu koḷoigi.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”