MATIUS 26:49 - Alkitab Singog In Mongondow Masa In Tanaa

⁴⁹ Noiyaputmai intua Sia inumuna nokipodungkuḷ kon i Yesus bo noguman, “Salam, Pak Guru!” Bodongka nongayok kon i-Nia.

MATIUS 26:49 ပူးပေါင်းရင်းမြစ်များ

KINOBAḺIAN 27:26

Bo ki amánea in noguman kon inia, “Koḻigai kodiugpa totok kon inakó, Uḻe, bo ayokaidon in akuoi.”

SAMUEL 2 20:9

Ki Yoab in noguman kon i Amasa, “Onu in habar, yobayat?” ḻimanea koḷanan in nokadai kon kumi i Amasa naonda bo mongayok kon inia.

AMSAL 27:6

Yobayat in mopomongkug in tabi, táe musung in monggakap takin bisa.

MATIUS 23:7

Mosia in moibog doman totok horomaton kon pasar, bo moibog doman totok oiníon ki ‘Pak Guru’.

MATIUS 23:8

Tongá moiko in dika mokioiní ki ‘Pak Guru’, sin tongábí tobatú in Gurumu bo moiko komintan in ginaḷum.

MATIUS 26:25

Ki Yudas inta moposarakan kon i-Nia tua in noguman doman, “Deemanbí akuoi naa Guru?” Ki Yesus in noguman kon inia, “Natua kain singogmu.”

MATIUS 26:48

Intau inta moposarakan kon i Yesus munadon nopotaau kon onu in pomiaannea kon i Yesus, “Intau inta inayokanku. Sia intua, dá domokdon!”

MARKUS 15:18

Nopaḷut mako sinalam monia in Sia, kai monia: “Salam kon i Datu Intau in Yahudi!”

LUKAS 7:45

Iko in diábí notomu nongayok kon i-Nakó, táe bobay tanaa in diábí mogoga-gogai in mongayok kon sioḷ-Ku pokoangoi-Kupa in naa.

YOHANES 19:3

bo mopobui-buimai mamangoi kon i Yesus bo moguman, “Mobiag datu intau Yahudi!” Onda intua mosia monokap kon pogot-Nea.

YOHANES 4:31

Dodai intua murí-Nea mita in nonongganutdon kon i Yesus nongaan. “Pak Guru,” kai monia, “Mongaandon.”

TESALONIKA 1 5:26

Aher mako poyaputpa in salam nami kon bayongan utat pinodoyon kon totabian saḷaku intau inta mopirisaya kon i Kristus.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea: