MATIUS 26:43 - Alkitab Singog In Mongondow Masa In Tanaa

⁴³ Bo naonda in Sia nobui mangoi, kinobayáan-Neamai mosia nosiugdon doman mako, Sin totokdon tomposiug mosia.

MATIUS 26:43 ပူးပေါင်းရင်းမြစ်များ

AMSAL 23:34

Korasaanmu in naonda bo kon popod in oigi in kapaḷ inta kon yuak in dagat; uḷumu mopusing bo iko in moibangkauḷu.

YUNUS 1:6

Kon tungkuḷ in mododia kon kapaḷ tatua nopoonag, kinotambakanneamai yo ki Yunus in nosiugpabí. Dá sia in noguman, “Yo umpaka iko in mokoposiugpabí doman kon bonu in kaadaan ná domai naa! Yo, pobangon! Posambayang kon dewamu mokituḷung. Dika-dikabo motabipabí in sia kon i naton dá diá mobodito in kita.”

MATIUS 26:42

Bo kon induaneadon in Sia minayá nosambayang, kai-Nia, “Amá-Ku, aka roriga tanaa musti kobayáan-Ku, sin diá motaau poyayúon kon i-Nakó, yo aidaidon ná inta koibog-Mu.”

MATIUS 26:44

Pinomayá-Neadon mako in mosia in nosiug, bo Sia in bui minayá nosambayang kon intoḷunea, bo nosambayang ná inta sambayang-Nea muna.

LUKAS 9:32

Wakutu intua ki Petrus takin yobayatnea mita nosiug, táe naonda in mosia noibangon inontong monia in sindar motarang nonimbayag kon i Yesus bo intau doyowa sinimindog kon diug-Nea.

OUMAN IN RASUL MITA 20:9

Kon tua oyúon tayowmobiag tobatú inta iḻimitú mako kon jandela, ki Eutikhus in tangoinea. Popisí in noonggot totok in pinongongumanan monia takin Paulus, dá sinomposiugdon totok in tayowmobiag tatua, bo noḷoḷot bo noḷabú monag in sia nongkon ḷundukan intoḷunea. Naonda in binuatdon monia, minatoidon in sia.

SURAT I PAULUS KON JAMAAT RUM 13:1

Pomuḷoi intau in musti dumudui kon pomarenta, sin diábí in pomarenta in diá nokouḻí kon kawasanea nongkon i Allah. Bo pomarenta masai naa nopobayá in kawasanea podudui in parenta i Allah.