MATIUS 26:29 - Alkitab Singog In Mongondow Masa In Tanaa

²⁹ Táe poguman-Ku kon i monimu: Mulai tanaa mako Akuoi in diá bidon monginum bui kon bungai in anggur tanaa modapot kon singgai Akuoi monginum kon anggur mobagu moyotakin monimu kon bonu in dunia mobagu i Amá-Ku.”

MATIUS 26:29 ပူးပေါင်းရင်းမြစ်များ

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

MAZMUR 4:7

Mobarong in intau in moḻibó, “Ki ine in momarakat kon inaton?” Igumon mako koibog-Mupa in kami, o Tuhan.

MAZMUR 40:3

Inugut-Nea in akuoi nongkon bubú inta mokoanib, nongkon yoná in dampaḷ. Inukat-Nea in akuoi kon tudu in tombuḷud batu, dá ḷampangku in mopia.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

MATIUS 13:43

Kon wakutu intuata intau mita inta nogaid kon onu in kinoibog i Allah monindar ná mata in singgai kon bonu in Dunia Mobagu i Allah, ki Amá monia. Aka oyúon in bongoḷan yo indongogai!”

MATIUS 16:28

Poguman-Ku kon i monimu! Kon sigad in intau mita kon naa oyúon in diápa matoi aka mosia in diápa mokoontong kon Adí Intau mamangoi momarenta saḷaku Datu.”

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 26:28

Sin naadon in dugú-Ku, dugú dodandian, inta noibutak sin pinongampung kon taḷá in intau moantó.

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MARKUS 14:25

Popirisayabí: Akuoi in diá bidon monginum bui kon anggur tanaa modapot kon wakutu in akuoi monginum kon anggur mobagu moyotakin monimu kon dunia mobagu i Amá-Ku.”

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

YOHANES 15:11

Naa mita in pinoguman-Ku kon i monimu, sinbá sanang in gina-Ku oyúon domandon kon i monimu, bo sanang in gina-Ku motompodon.

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

YOHANES 17:13

Tanaa Akuoi in mamangoidon kon i Amá. Tua komintan in pinotaau-Kudon wakutu in Akuoi kon duniapa naa, sinbá totu-totuudon korasaan monia in ḷunganga in gina-Ku.

OUMAN IN RASUL MITA 10:41

tongá deemanbí kon bayongan intau, táe tongábí kon inami inta piniḻí-Nea muna mobaḻí sakusi-Nea mita. Kami ain nongaan bo nonginum noyotakin-Nea wakutu in Sia nobiagdon bui nongkon kinopatoian-Nea.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

WAHYU 14:3

Mosia tua in nopodondong in dondong inta mobagu kon tayowon tampat pomomarentaan bo kon tayowon in mahaḷuk opat bo itoi mita. Diábí in tobatúmai intau mokobalajar kon dondong tatua, koḻikudbí in intau inta 144.000 inta ain pinobebas nongkon dunia naa.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”