MATIUS 26:28 - Alkitab Singog In Mongondow Masa In Tanaa

²⁸ Sin naadon in dugú-Ku, dugú dodandian, inta noibutak sin pinongampung kon taḷá in intau moantó.

MATIUS 26:28 ပူးပေါင်းရင်းမြစ်များ

YEREMIA 31:31

Ki Tuhan in noguman, “Moiangoibí in wakutunea Akuoi momia kon dodandian mobagu takin umat in Israel bo Yohuda.

IMAMAT 17:11

Nyawa in bayongan mahaḷuk komintanbí kon bonu in dugúnea. Tuamai ki Tuhan nomarenta sinbá bayongan dugú popobutak kon tudu in mezbah sinbá dosa mita in umat popatandon. Dugú inta nyawa tatua, momopat kon dosa.

ZAKHARIA 9:11

Ki Tuhan in noguman kon umat-Nea, “Pinodoyon kon dodandian inta pinomia-Ku takin i monimu, dodandian inta pinosah in dugú in kuruban sosumba, poḷuat-Kudon in rayatmu inta nororiga kon pinoḷumbúan naonda bo intau inta kon bonu in parigí inta noingkag.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 26:27

Nopaḷut intua Sia nogamá kon pongonginuman, bo nosukur bodongka nobogoi kon i monia takin noguman, “Ponginumdon moiko komintan nongkon pongonginuman tanaa.

MATIUS 26:29

Táe poguman-Ku kon i monimu: Mulai tanaa mako Akuoi in diá bidon monginum bui kon bungai in anggur tanaa modapot kon singgai Akuoi monginum kon anggur mobagu moyotakin monimu kon bonu in dunia mobagu i Amá-Ku.”

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

MARKUS 1:4

Naonda inta pinais dá natua domandon in ki Yohanes noiangoi kon padang gurun. Sia in nobaptis kon intau bo nopotaau in Habar nongkon i Allah. Ki Yohanes noguman, “Moiko in musti mogogaidon in mogaid kon dosamu mita bo musti baptison, sinbá ampungan i Allah in moiko.”

MARKUS 14:24

Bo ki Yesus in noguman, “Naadon in dugú-Ku inta mopototuu kon dodandian i Allah, dugú inta pinobutak sin kopontingan in intau mobarong.

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

LUKAS 22:20

Natua doman, naonda in nopaḷut mako nongaan, Sia in nobogoi in palo pongonginuman kon anggur tatua kon i monia poḷat noguman, “Pongonginuman tanaa in dodandian i Allah inta mobagu inta ain sinoḻiuan in dugú-Ku. Dugú inta ain pinobutak sin kopontingan monimu.”]

SURAT I PAULUS KON JAMAAT RUM 5:15

Tongá diábí notongkai in taya dua; sin totabibí i Allah in moḷobe-ḷoben aka poyobandingonmai in taḷá inta pinomia i Adam. Sin taḷá in intau tobatú in nokopopisí kon nobayong in intau minatoi. Táe moḷobe-ḷobenbí doman kon tua in bungai in totabi i Allah bo tombuinag in kasaḷamatan inta inogoi-Nea kon modamaḷ in intau, inta pinongin kopopia in gina in tobatú intau, tuata in ki Kristus.

SURAT I PAULUS KON JAMAAT RUM 5:19

Dá notongkai doman in naa, bayongan intau in nobaḻí binaradosa popisí in intau tobatú inta diá motoindudui. Ná doman tua in mobayong intau inogoian in kasampatan moyodame bui takin i Allah popisí in intau tobatú inta motoindudui kon i Allah.

KORINTUS 1 11:25

Ná doman tua, naonda in nopaḷutdon mako nongaan, Sia in nogamá kon palo kobonu-bonu in anggur bo noguman, “Anggur tanaa in dodandianbí mobagu i Allah, bo dugú-Ku in mobaḻí tanda. Tuamai in pomuḷoi monginum kon nanaa, nonginumbí sin monorop kon i-Nakó.”

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

KOLOSE 1:14

Ki Adí-Nea tatua inta nopobebas kon i naton, mangaḻenea bayongan dosa naton ain inampungan-Nea.

KOLOSE 1:20

Bo Sia doman tua inta pinaké i Allah namangoi nopoyodame kon bayongan in yagi-yagi takin-Nea, inta kon butá ande kon soroga. Tua in pinomia i Allah pinodoyon kon kinopatoian i Adí-Nea kon kayu pinoyotaḻempang.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.

WAHYU 7:9

Nopaḷut mako kon tua akuoi in nokoontongpa bui kon intau inta modamaḷ totok, diádon tobatúmai in intau in mokoiyap kon kobayongnea tua. Mosia tua in intau mita inta nongkon bayongan bangusa, suku, negara bo bahasa. Mosia in sinimindog kon tayowon in tampat pomomarentaan tatua bo kon tayowon i Adí in Domba. Mosia komintan nogiḷambung in jubah nobudó bo kokada-kadai doman tanga in kayu palem.