MATIUS 26:27 - Alkitab Singog In Mongondow Masa In Tanaa

²⁷ Nopaḷut intua Sia nogamá kon pongonginuman, bo nosukur bodongka nobogoi kon i monia takin noguman, “Ponginumdon moiko komintan nongkon pongonginuman tanaa.

MATIUS 26:27 ပူးပေါင်းရင်းမြစ်များ

MAZMUR 116:13

Akuoi in modiabí kon sosumba anggur kon i Tuhan sin mopoyaput in sukur popisí in totuḷung-Nea.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

MATIUS 15:36

Onda intua ginamá-Nea in roti bo toyá mita tatua, bo nopoyaput in sukur. Bodongka nomonsi-monsig kon roti tatua bo inogoi kon murí-Nea pinoki silai, dá sinilai domandon in murí-Nea mita kon intau mobayong tatua.

MATIUS 26:26

Bo kon dodai in mosia koyogot nongaan ki Yesus in nogamá kon roti bo nomarakat poḷat binonsi-bonsig bo inogoi kon murí-Nea mita, bo noguman: “Gamádon bo kaandon, naa in awak-Ku.”

MATIUS 26:28

Sin naadon in dugú-Ku, dugú dodandian, inta noibutak sin pinongampung kon taḷá in intau moantó.

LUKAS 22:20

Natua doman, naonda in nopaḷut mako nongaan, Sia in nobogoi in palo pongonginuman kon anggur tatua kon i monia poḷat noguman, “Pongonginuman tanaa in dodandian i Allah inta mobagu inta ain sinoḻiuan in dugú-Ku. Dugú inta ain pinobutak sin kopontingan monimu.”]

KORINTUS 1 10:16

Kon dodai in nonginum kon anggur bo nosukur kon i Allah, tua mangaḻenea notobatú bidon i Kristus in kita kon bonu in kinopatoian-Nea? Bo kon dodai in nosilai kon roti in kita sin kaanon moyotakin, yo tua in mangaḻenea notobatúdon takin awak i Kristus in kita?

KORINTUS 1 11:28

Manangka intua intau in mustipabí muna momirikisa kon awaknea bain tua bo motaau mokaan kon roti bo monginum kon anggur tatua.