MATIUS 26:26 - Alkitab Singog In Mongondow Masa In Tanaa

²⁶ Bo kon dodai in mosia koyogot nongaan ki Yesus in nogamá kon roti bo nomarakat poḷat binonsi-bonsig bo inogoi kon murí-Nea mita, bo noguman: “Gamádon bo kaandon, naa in awak-Ku.”

MATIUS 26:26 ပူးပေါင်းရင်းမြစ်များ

MATIUS 14:19

Bo pinoki ḻitúan-Nea in intau moantó tatua kon tudu in bonok. Bo naonda in ginamá-Nea in roti ḻima bo toyá doyowa tatua, iḷumangag in Sia kon ḷangit bo nomarakat. Bodongka nomonsi-monsig kon roti tatua bo inogoi kon murí-Nea mita pinoki silai kon i monia. Murí-Nea mita in nosilai magí mako kon intau moantó tua.

MATIUS 26:27

Nopaḷut intua Sia nogamá kon pongonginuman, bo nosukur bodongka nobogoi kon i monia takin noguman, “Ponginumdon moiko komintan nongkon pongonginuman tanaa.

MARKUS 6:41

Onda intua ki Yesus nogamá kon roti ḻima tatua takin toyá doyowa, bo iḷumangag kon ḷangit nopoyaput in sukur kon i Allah. Nopaḷut mako kon tua, binosi-bonsig-Nea in roti tatua bo pinoki silai kon intau mita tatua. Ná doman tua in toyá doyowa tatua sinila-silai doman mako kon i monia komintan.

LUKAS 22:17

Onda intua binuat-Nea in palo pongonginuman kon anggur bo nosambayang nopoyaput in sukur kon i Allah. Nopaḷut mako Sia noguman, “Gamá in naa bo silai-silaidon mako;

LUKAS 24:30

Kon wakutu in ḻimitúdon mongaan moyotakin monia, ki Yesus in nogamá kon roti, bo nopoyaput in sukur kon i Allah poḷat nomonsi-monsig kon roti tatua, bo inogoi kon i monia.

OUMAN IN RASUL MITA 2:46

Pomuḷoi in singgai mosia in moyosipun kon Baḷoi Tuhan; mosia mongaan doman moyotakin kon baḷo-baḷoiannea. Tua komintan inaidan monia takin pia in gina bo takin doman dodia inta moompá.

OUMAN IN RASUL MITA 20:7

Doḷom diminggu kami in noyosipun sin mongaan moyotakin in bayongan ginaḷum mita kon tua. Ki Paulus nososiritaanpa mako in bayongan intau inta mopirisaya kon tua, sin tomayánea in mayádon bui in sia in mopoikoḷomai kon singgai. Mosia in nongonguman nodapot noonggot kon doḷom.

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.