MATIUS 25:8 - Alkitab Singog In Mongondow Masa In Tanaa

⁸ Mongodeaga mita inta bodok noguman kon mongodeaga mita inta mobijaksana, ‘Ogoiaipa in ḷana monimu biar tongá topiḻik, sin togá nami aindon mopiong.’

MATIUS 25:8 ပူးပေါင်းရင်းမြစ်များ

AYUB 18:5

Togá in intau moraat in notantú bidon kon piongon; tuḷúnea in diá bidon poyongki-yongkiton bui.

AYUB 21:17

Degá nokoimontandon togá in intau moraat piniongan, bo mosia in kinoantugan in bodito bo roriga? Nokoimontandon degá in ki Allah in sinumorú kon i monia, dá mosia in ihukum-Nea?

MAZMUR 49:7

Mosia tua in mopongata in kaoyúonannea, bo mopododia in kapunyaannea.

AMSAL 13:9

Intau mobanar naonda bo sindar inta motarang; intau moraat naonda bo togá nopiong.

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

MATIUS 25:1

“Kon wakutu in koangoian i Allah saḷaku Datu, in naonda bo poumpamaan tanaa: Mopuḷú in mongodeaga nogamá kon togá, monia bo nonontomu kon nonikaan ḷoḷaki.

MATIUS 25:7

Dá mongodeaga mita tatua norobangon bo noponugung in ḷana kon togá monia.

MATIUS 25:9

Táe mongodeaga mita inta mobijaksana mita tatua in notubag, ‘Diá motaau! sin dika bo diá doman tugat kon inami bo kon i monimu. Maníka bo bayádon in moiko potaḷui kon i monia inta mopopotaḷui in ḷana.’

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

LUKAS 12:35

“Umuran koḷuka-ḷukad in tumayow kon yagi-yagi. Musti umuran koabi-abit bo togámu in tatap poyongkiton,

LUKAS 16:24

Dá intau nooyúon tatua in nomaḷú, ‘Amá Abraham! Kotabipa in akuoi naa. Tuḷungaipa potabá in ki Lazarus mopoḷodok in tononuyúnea kon tubig bo mamangoi momuntad kon diláku. Akuoi in totok in mororiga kon bonu in tuḷu tanaa!’

LUKAS 8:18

Manangka intua yo tarukiraai kopira onu inta ain dinongog monimu. Sin aka ki ine in oyúondon, yo kon inia tua in dugangan doman bui; táe ki ine in diápa, yo onu in oyúonpa kon inia gamáan domandon nongkon inia.”

OUMAN IN RASUL MITA 8:24

Dá ki Simon in noguman kon i Petrus bo kon i Yohanes, “Dá aka natua yo tuḷungaipa poigum kon i Tuhan sinbá diá tobatúmai in siningog monimu nion in mobaḻí kon i nakó.”

IBRANI 4:1

Dandi i Allah tatua in umuranpabí pakéon, bo kita in ogoianbí in pogogaian inta pinodandi-Nea tatua. Manangka intua kita in musti umuran kiḷuka-ḷukadmai sinbá diá in tobatúmai kon sigad monimu in diá mokouḻí kon pogogaian inta pinodandi-Nea tatua.

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.