MATIUS 25:42 - Alkitab Singog In Mongondow Masa In Tanaa

⁴² Sin wakutu in Akuoi ginogoy, diá inogoian monimu in kaanon in Akuoi, wakutu in Akuoi noyogang, diá inogoian monimu in inumon.

MATIUS 25:42 ပူးပေါင်းရင်းမြစ်များ

AMOS 6:6

Moiko in monginum kon anggur nongkon galas inta binonuan kinopuḻing, bo moiko in mopoinggúdon in ḷana mobondu inta totok in mopia, táe diá monakit in gina monimu kon kinorimumudan in Israel.

MATIUS 12:30

Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

MATIUS 25:35

Sin wakutu in akuoi ginogoy, inogoian monimu Akuoi in kaanon, wakutu in Akuoi noyogang, inogoian monimu in Akuoi in inumon; wakutu in Akuoi nobaḻí intau mokokiangoi sinarima monimu in Akuoi kon baḷoimu.

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 25:43

Wakutu in Akuoi nobaḻí intau mokokiangoi, diá inogoi monimu in Akuoi sinumuot kon baḷoi. Wakutu in Akuoi diá koḷambu-ḷambung, diá inogoian monimu in pakeang wakutu in Akuoi notakit bo kon bonu in ponjara, diá binayá inindoian monimu.’

MATIUS 4:2

Bo naonda in Sia nopaḷut nopuasa opat nopuḷú nosinggai bo opat nopuḷú nogobii, inangoiandon gogoy in Sia.

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

YOHANES 1 4:20

Aka oyúon in intau moguman, “Akuoi in motabi kon i Allah,” táe sia in diá motabi kon i utatnea, yo mouboḷ in intau tatua. Sin intau inta diá motabi kon i utatnea inta ontongonnea mako, tantú diábí doman kumaan kon akaḷ aka sia in motabi kon i Allah inta diá inontongnea.