MATIUS 25:41 - Alkitab Singog In Mongondow Masa In Tanaa

⁴¹ Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 25:41 ပူးပေါင်းရင်းမြစ်များ

MAZMUR 119:115

Ei intau moraat, pokoyayúdon kon inakó! Akuoi in moibogbí tumoḷutui kon parenta i Allahku.

MAZMUR 119:21

Iko in monoboḷow kon intau inta moḷoḷatú, bo nongutuk kon intau inta sinumabat kon parenta-Mu.

MAZMUR 139:19

Igumon mako intau moraat yompaton-Mu, o Allah, poyayúdon in moḷoḻimod nongkon inakó!

MAZMUR 6:8

Mataku in moyambotdon popisí in ajar in gina, bo modingungui popisí in musungku mita.

YESAYA 66:24

Kon tungkuḷ in mobuat, mosia in mokoontongbí, kon mayat in intau mita inta ain nomarontak kon i-Nakó. Uḷod inta nokaan kon awak monia in diábí matoi, bo tuḷú inta nomokak kon i monia in diábí mopiong; kinoontongan tobatú inta mokokoningkim kon bayongan in intau.”

YEREMIA 17:5

Ki Tuhan in noguman, “Aka intau monaḷámai kon i-Nakó, ki Tuhannea, bo umandoḷ kon intau poḷat umandoḷ kon ropotnea, dá hukumon-Ku in sia.

MATIUS 13:40

Naonda bo padang tatua sinipun bo sinubá kon bonu in tuḷu natua doman kon Singgai Tumi.

MATIUS 13:42

Bayongan tua in daiton pogonag kon bonu in tuḷu; kon tua kodongogan in amui bo roriga.

MATIUS 13:50

Bo intau mita inta moraat tokoḷumbúon-Nea kon yuak in tuḷu; kon tua mongombaḷ in mosia bo mororiga.”

MATIUS 18:8

Aka ḻimamu andeka sioḷmu bo mokobaradosa kon inimu, yo pongkó bo ḷumbúdon intua. Sin maníka bo iko in mobiag takin i Allah takin diádon ḻima ande sioḷ tosimpaḷ, dika in oyúonpa in ḻima bo sioḷ doyowa táe pogonag kon bonu in tuḷu in naraka.

MATIUS 25:42

Sin wakutu in Akuoi ginogoy, diá inogoian monimu in kaanon in Akuoi, wakutu in Akuoi noyogang, diá inogoian monimu in inumon.

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

LUKAS 13:27

Bo Sia in bui motubag kon i monimu, ‘Diábí kinotaauan-Ku mongo nongkon onda in moiko. Bayádon nongkon naa, moiko intau mita inta nogaid kon mongoraat!’

LUKAS 16:24

Dá intau nooyúon tatua in nomaḷú, ‘Amá Abraham! Kotabipa in akuoi naa. Tuḷungaipa potabá in ki Lazarus mopoḷodok in tononuyúnea kon tubig bo mamangoi momuntad kon diláku. Akuoi in totok in mororiga kon bonu in tuḷu tanaa!’

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

IBRANI 6:8

Táe aka tongá kobiagan in padang bo bayongan in díat, dá diá in baraguna in butá tatua sahingga kutukon i Allah bo pangabisannea pokakon modait.

PETRUS 2 2:4

Malaekatpa mita inta nogaid kon dosa, diábí doman pinilatan i Allah nongkon hukuman. Mosia tua in komintanbí doman pinogonag kon naraka. Mosia in pinobonu kon irang inta mosindip sin pogoḷa-goḷatan kon Singgai Ponantúan.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.