MATIUS 25:36 - Alkitab Singog In Mongondow Masa In Tanaa

³⁶ Wakutu in Akuoi diá koḷambung; inogoian monimu in Akuoi in pakeang; wakutu in Akuoi notakit, sinompia monimu; wakutu in Akuoi kon bonu in ponjara, inangoi inindoian monimu.’

MATIUS 25:36 ပူးပေါင်းရင်းမြစ်များ

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

YEHEZKIEL 18:16

andeka nondorot andeka nogagow kon i inekadon. Pakakat mita in intau inta nobaḻí tontogot kon boboḻian kon inia umuranneabí pobuion. Intau inta ginogoi ogoiannea in kaanon bo intau inta diá koḷambung inogoiannea in ḷambung.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

MATIUS 25:37

Dá intau mita mongopia tatua in noḻibó kon i-Nia, ‘Tuhan, kon dodaibí in onda inontong nami ki Tuhan in ginogoy bo inogoian nami in kaanon, andeka noyogang bo inogoian nami in inumon?

MATIUS 25:43

Wakutu in Akuoi nobaḻí intau mokokiangoi, diá inogoi monimu in Akuoi sinumuot kon baḷoi. Wakutu in Akuoi diá koḷambu-ḷambung, diá inogoian monimu in pakeang wakutu in Akuoi notakit bo kon bonu in ponjara, diá binayá inindoian monimu.’

LUKAS 3:11

Ki Yohanes in notubag, “Aka ki ine in koḷambung doyowa, yo musti in sia mobogoi in ḷambung tobatú kon intau inta diá koḷambung; ná doman tua, aka ki ine in oyúon in kaanon, yo ogoiaibí in intau inta diá kokaanon.”

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

IBRANI 10:34

Bo moiko in noitakin doman nokorasa kon koajar in gina monia inta kinurung kon ponjara. Bo wakutu in kapunyaan monimu nodait inagow, diá noyaat in gina monimu, sin kinotaauandon monimu kon oyúonpabí in mopia-pia nongkon tua bo inta mononoi totok.

IBRANI 13:3

Bo tantúdon kon gina mako in mosia inta kon bonu in ponjara naonda bo moiko kon bonu doman in ponjara noyotakin monia. Bo intau mita inta pinomia ibo-ibog umuran kon gina-gina doman mako in mosia naonda bo pinomia doman natua in moiko.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.