MATIUS 25:35 - Alkitab Singog In Mongondow Masa In Tanaa

³⁵ Sin wakutu in akuoi ginogoy, inogoian monimu Akuoi in kaanon, wakutu in Akuoi noyogang, inogoian monimu in Akuoi in inumon; wakutu in Akuoi nobaḻí intau mokokiangoi sinarima monimu in Akuoi kon baḷoimu.

MATIUS 25:35 ပူးပေါင်းရင်းမြစ်များ

DATU MITA IMITÁNEA 17:11

Naonda in boba-bobay tatua minayá sin mogamá kon tubig tatua, ki Elia in noguman doman, “Iná podiaaipa doman in akuoi kon roti topilik.”

AYUB 31:32

Baḷoiku in motaaubí pongandupan i ineka; diábí kon dodai in onda bióonku mako in mosia mosiug kon daḷan.

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 22:9

Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

AMSAL 25:21

Aka musungmu bo gogoyon, yo ogoiai in kaanon in sia; bo aka morogang in sia, ogoiai in inumon.

YEHEZKIEL 18:16

andeka nondorot andeka nogagow kon i inekadon. Pakakat mita in intau inta nobaḻí tontogot kon boboḻian kon inia umuranneabí pobuion. Intau inta ginogoi ogoiannea in kaanon bo intau inta diá koḷambung inogoiannea in ḷambung.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 26:11

Intau nongobogá mita in umuran moyotakin monimu, táe Akuoi naa in diábí tantú moyotaki-takin mako monimu.

MARKUS 14:7

Sin aka intau mita inta nobogá umuranbí oyúon in kon sigad monimu. Aka moibog motuḷung in moiko kon i monia, yo pomuḷoi mako motaaubí. Táe Akuoi in diábí pomuḷoi mako in moyotakin monimu.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

YOHANES 13:29

Oyúon in nosangka kon ki Yesus nopotabá kon i Yudas minayá notaḷui kon tobatú kaparaḷuan pakéon kon pesta, andeka mobogoi in doit topiḻik kon intau bogá, sin ki Yudas tua mokokadai kon doit in kas monia.

OUMAN IN RASUL MITA 10:31

Sia in noguman nanaa, ‘Kornelius! Sambayangmu in sinarimadon i Allah bo kinotaauan-Nea domandon in kopopia in ginamu.

OUMAN IN RASUL MITA 11:29

Dá dumodudui mita in notobatú kon gina bo nosipun kon totuḷung podudui in komampuan tobatú bo tobatú. Totuḷung tatua in inogoi monia kon utat mita inta kon Yudea.

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.

OUMAN IN RASUL MITA 4:32

Komintan intau inta ain nopirisaya tua in nobiag notobatú kon gina bo porasaan. Diá tobatúmai in kon sigad monia tua in norai kon onu inta kon i monia yo tongábí monia tontaní in kitogi.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

SURAT I PAULUS KON JAMAAT RUM 12:20

Nanaa in aidai, aka gogoyon in saturumu yo ogoiai in sia in kaanon, aka moyogang in sia, yo ogoiai inumon. Sin aka tua in aidanmu, yo aidmu tatua in mokopooyábímai kon inia.

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

PILEMON 1:7

Uḻe Pilemon utatku, tabimu kon bayongan in umat i Allah, nokosanangdon totok kon ginaku bo nokodugang domandon kon ropot in pirisayaku! Bayongan in gina in umat i Allah in pinosanangmudon.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.