MATIUS 25:29 - Alkitab Singog In Mongondow Masa In Tanaa

²⁹ Sin pomuḷoi intau inta nooyúondon yo duganganbí bui, sinbá kalebeannea in mobarong totok. Táe ki ine inta diá nooyúon, yo onupa doman inta oyúon kon inia tua yo gamáandon doman nongkon inia.

MATIUS 25:29 ပူးပေါင်းရင်းမြစ်များ

OMBAḶ 2:6

Sia in norimumud kon baḷoi-Nea tampat pososipunan in umat-Nea sin mosumba kon i-Nia. Binaḻí-Nea in intau mokoḻiong kon singgai in Sabat bo singgai mita moḷoben ibanea. Popisí in ki Tuhan totok in sinumorú, imang bo datu in kinodoí-Neadon.

HOSEA 2:9

Tuamai, kon wakutu pobatunan kon boyó bui-Kubí gamáan in onu inta inogoi-Ku, inta gandum bo anggur, bo wol bo kaeng in linen inta inogoi-Ku kon inia sin pomiaan ḷambungnea.

MATIUS 13:12

Intau inta oyúondon kon inia in duganganbí ogoian, sinbá sia in mokouḻí kon moiḻiu in kobayongnea. Táe intau inta diá in kon inia yo onupa inta kon inia yo daitondon gamáan.

MATIUS 21:41

Mosia in notubag kon i-Nia, “Toko putúannea in intau mita moraat tatua, bain tua bo gobá in anggurnea tatua potomoyóneadon bui kon mototomoyó ibanea, inta moibog mopoyosilai in bungainea aka wakutuneadon.”

MATIUS 25:28

Tuamai in gamádon in doit buḷawan inta kon inia bo ogoidon kon intau inta aindon mopuḷú in doit buḷawannea.

MARKUS 4:25

Sin kon intau inta oyúondon kon inia, ogoian in kobayongon; táe kon intau inta diá in kon inia, yo onuka in topiḻik kon inia yo gamáanbí doman.”

LUKAS 10:42

Bá poguman-Ku kon inimu kon tongábí tobatú in totok moponting. Ki Maria ain nomiḻí kon inta mopia, inta diábí bui gamáan kon inia.”

LUKAS 8:18

Manangka intua yo tarukiraai kopira onu inta ain dinongog monimu. Sin aka ki ine in oyúondon, yo kon inia tua in dugangan doman bui; táe ki ine in diápa, yo onu in oyúonpa kon inia gamáan domandon nongkon inia.”

YOHANES 11:48

Aka pomayá naton in Sia umuran mogaid kon oaidan-Nea, yo bayongan intau in mopirisayadon kon i-Nia. Bo pangabisannea pongawasa in Rum in mamangoi bo momoguyaat kon Baḷoi Tuhan bo bayongan intau naton!”

YOHANES 15:2

Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.