MATIUS 25:17 - Alkitab Singog In Mongondow Masa In Tanaa

¹⁷ Ná doman tua in simpaḷ inta nokouḻí kon doyowa noribu, pinobaragunanea doman intua, sahingga in nokouḻí doman kon kauntungan doyowa noribu.

MATIUS 25:17 ပူးပေါင်းရင်းမြစ်များ

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

SAMUEL 2 19:32

Ki Barzilai in nogoguyangdon totok, umurnea in waḷudon nopuḷú notaong. Sia in nobiag nooyúon totok bo kon dodai in ki datu nogutun kon Mahanaim koḻipod, ki Barzilai naa inta nopooyúon in kaanon i datu.

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

MATIUS 25:18

Tongá simpaḷ inta notarima kon toribu, minayá in sia bo nongaḻi kon butá bodongka iḷobongnea in doit i tuangnea tatua.

OUMAN IN RASUL MITA 10:2

Intau inta totok in mopia. Sia bo tombunu in baḷoinea komintan motoguondok kon i Allah. Moibog motuḷung kon intau mita in Yahudi inta nongobogá, bo morajing mosambayang.

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

EPESUS 5:16

Pakédon kopia in kasampatan inta oyúon kon i monimu, sin masa in tanaa in masa bidon inta moraat.

KOLOSE 4:17

Bo potaaudon kon i Arkhipus in naa, “Iḷapataidon kopiraan in oaidan inta pinoki aid i Tuhan kon inimu sin mobantung kon i Tuhan.”

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

PETRUS 1 4:10

Moiko in komintan bidon nokouḻí kon totabi mita inta noyo-noyoposi nongkon i Allah. Tuamai saḷaku mogogaid mita inta mopia pakédon kopira in onu inta ain pinonotabi i Allah tatua sin pogaid kon kopontingan moyotakin.