MATIUS 25:14 - Alkitab Singog In Mongondow Masa In Tanaa

¹⁴ “Aka ki Allah mamangoi saḷaku Datu, yo kaadaannea in naonda bo intau inta moibog mayá in ḻipú ibanea. Sia in nogoiní kon simpaḷnea mita bo nosilai kon kapunyaannea sin pinoki ḷukad.

MATIUS 25:14 ပူးပေါင်းရင်းမြစ်များ

MATIUS 21:33

“Indongogaidon in poumpamaan ibanea tanaa,” guman i Yesus. “Oyúon in tobatú ki togi butá, sia in nomuḷa kon anggur bo iḻibunea sinondok in gobá tatua. Sia nongaḻi doman kon bubú tampat pomomugutan kon bungai in anggur, bo noposindong doman in ḷangkeang poḷoḷukadan kon pinomuḷa tatua. Onda intua gobá tatua pinotomoyónea kon mototomoyó bo sia minayá in ḻipú ibanea.

MARKUS 13:34

Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.

LUKAS 20:9

Ki Yesus in nongonguman doman kon intau mita tatua kon poumpamaan tanaa, “Oyúon in intau in nogaid kon gobá bo pinomuḷaannea kon anggur. Onda intua pinotomoyónea kon mototomoyó mita bodongka minayá in ḻipú ibanea noonggot kon tua.

KORINTUS 1 12:4

Norupa-rupamai in totabi in Roho i Allah kon intau, táe inta nobogoi in tongábí Roho tobatú tatua.

KORINTUS 1 3:5

Sabanarnea ki inebí in ki Apolos andeka ki Paulus tua? Bá kotaauan monimu, kami naa in tongábí intau mita inta nogaid kon oaidan i Allah inta mopoyaput in Habar Mopia kon i monimu sinbá mopirisayadon in moiko kon i Kristus. Kami naa in tongábí mopobayá in oaidan inta pinoki aid i Tuhan kon inami.

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.