MATIUS 24:46 - Alkitab Singog In Mongondow Masa In Tanaa

⁴⁶ Yo kosanangdon totok in simpaḷ inta kinotambakan mangoi i tuangnea koyogot in nogaid kon oaidannea tua, wakutu in ki tuangnea nobuidon mangoi.

MATIUS 24:46 ပူးပေါင်းရင်းမြစ်များ

MATIUS 24:45

Ki Yesus in noguman, “Ki ine in simpaḷ inta mopia bo mopandoi? Inta aindon inaidan i tuangnea itoi in simpaḷ ibanea, sinbá sia in mobogoi in kaanon kon wakutunea.

MATIUS 24:47

Poguman-Ku kon inimu, simpaḷ natua in baḻíonbí i tuangnea moḷoḷukad kon bayongan kapunyaannea.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.

LUKAS 12:43

Mosanang totok in bobantung inta kino angoianmai i tuangnea umuranpa mogaid kon oaidan inta pinoki aid i tuangnea!

WAHYU 16:15

“Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”

WAHYU 2:19

Kinotaauan-Kubí in bayongan inta inaidan monimu. Moiko in mototabian, moiko mosatia, moiko nogaid, bo moiko notababí doman in kinoantugan in yoyiga. Bo kinotaauan-Kubí kon nodugangdon in rajing monimu nongkon inta koḻipod.