MATIUS 24:43 - Alkitab Singog In Mongondow Masa In Tanaa

⁴³ Tongá bá kotaauan monimu in nanaa: Aka kitogi baḷoi bo mokotaau kon toonu in mononakow mamangoi, tantú moḷukadbí in sia, sin diábí pomayánea mako in baḷoinea tua in bongkaron.

MATIUS 24:43 ပူးပေါင်းရင်းမြစ်များ

AYUB 24:16

Mononakow in noḻisik kon baḷoi kon dodai in doḷom, kon dodai in singgai sia mogadop kon bayag.

AMSAL 7:19

Ki buḷoiku in diá kon baḷoi, sia in minayá in noyayú.

MATIUS 14:25

Degá jam intoḷuneadon modiug mobayag namangoidon in ki Yesus kon i monia takin minaya-mayá kon tudu in tubig.

MATIUS 20:11

Naonda in mosia notarima kon tua, mosia nosingo-singogan kon i togi gobá

MATIUS 24:42

Manangka intua umuran kiḷuka-ḷukadmai, sin diábí kotaauan monimu mongo toonu in ki Tuhan mamangoi.

MATIUS 24:44

Tuamai in moiko umurandon pobasadia, sin Adí Intau in mamangoi kon wakutu inta diá monimu sinangka-sangka.”

MATIUS 25:10

Táe wakutu in mosia minayá notaḷui kon ḷana. Noiangoidon in nonikaan tatua, bo mosia inta ain nobasadia in sinumuot noyotakinnea kon ruangan ponikaan tatua, bo iḻingkopandon in ḷoḻingkop!

MATIUS 25:13

Bo pangabisannea ki Yesus in noguman, “Manangka intua umuran kiḷuka-ḷukadmai, sin diábí kotaauan monimu in singgai bo wakutunea.”

MARKUS 13:35

Tuamai in moiko musti umuran kiḷuka-ḷukadmai, sin diábí kinotaauan monimu mongo toonu in ki togi baḷoi mobui mangoi – moḷoḷabung, ande moonggot kon doḷom, ande modiug mobayag, ande bagu momuká in mata in singgai.

MARKUS 6:48

Indoian-Nea mako moyoyigadon totok monia in mobotoi sin mosia noyogintontomu in tompot. Tuamai degá kon sigadmai in jam nogintoḷu bo jam noginggonom modiug mobayag namangoi in Sia kon i monia, táe minaya-mayábí in Sia kon tudu in tubig. Bo Sia kinumudung minayá naonda bo taḻibannea i mosia.

LUKAS 12:38

Bo momujur domandon in bobantung mita inta kinotambakanmai i tuangnea umuranpa mogoḷat mako umpaka sia mamangoi moonggotdon kon doḷom andeka modiugdon mobayag!

LUKAS 12:39

Torop in singog-Ku tanaa! Aka kuma bo kotaauandon muna i togi baḷoi in jam koangoian in mononakow, yo diábí pomayá mako i togi baḷoi in mononakow tatua tumuot kon baḷoinea.

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

WAHYU 16:15

“Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”

WAHYU 3:3

Tuamai in toropdon bui in onu inta ain sinundú kon i monimu koḻipod bo onu inta ain dinongog monimu. Duduiai intua bo pogogaidon in mogaid kon dosa mita. Aka moiko bo diá mobangon, yo Akuoi in mamangoi kon i monimu naonda bo mononakow; bo diábí kotaauan monimu mongo toonu in Akuoi in mamangoi.