MATIUS 24:39 - Alkitab Singog In Mongondow Masa In Tanaa

³⁹ Bo diábí kinotaauan monia in onu inta nobaḻí, wakutu in ḷunud diápa noiangoi bo nomutú kon i monia komintan. Natua doman in mobaḻí kon masa in koangoian i Adí Intau.

MATIUS 24:39 ပူးပေါင်းရင်းမြစ်များ

AMSAL 23:35

Bo iko in moguman, “Akuoi naa in binongkug bo sinokap in intau, táe diádon kinotoropanku mongo onu in nobaḻí. Kaasí ah, tomposiug totok in akuoi! Modugangpa in akuoi monginum!”

AMSAL 24:12

Motaaubí in iko moguman, “Tua in deemanbí totaauku.” Táe ki Allah in noindoi mako kon inimu. Kinotaauan-Neabí bo adilon-Nea in raianmu. Sia in motuḻí kon intau podudui in aidnea.

AMSAL 29:7

Intau mopia in monotaaubí kon hak in intau moyangkó, táe intau moraat in diábí monotaau intua.

YESAYA 42:25

Dá binaḻí-Nea in kita notarima kon torú-Nea inta motoyang, bo nororiga popisí in parang inta motoyang. Torú-Nea nomokak kon Israel naonda bo tuḷú, táe diá kinotaauan naton, bo diá nobalajar nongkon onu inta ain kinorasaan naton.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

MATIUS 24:3

Wakutu in ki Yesus iḻimitú kon tudu in Buḷud Zaitun, murí-Nea mita namangoidon kon i-Nia bo nongonguman-Neamai. Kai monia. “Pogumandon kon inami, mongó toonu in tua komintan mobaḻí bo onu in tanda kon koangoian-Mu bo tanda in kopaḷutan dunia naa?”

MATIUS 24:30

Kon wakutu intua ontongondon in tanda in Adí Intau kon ḷangit. Bo komintan intau kon dunia naa mogamui bo mosia in mokoontong kon Adí Intau tatua mamangoi mongin ḻimonik in goḷom kon ḷangit takin bayongan kawasa bo kamuliaan-Nea.

MATIUS 24:37

Sin ná inta nobaḻí kon masa i Nuh, yo natua doman in mobaḻí kon masa in koangoian i Adí Intau.

MATIUS 24:40

Kon wakutu intua, aka doyowa intau kon gobá, yo tobatú in diaan, tobatú in taḷaan.

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”

YOHANES 3:20

Sin intau inta momia kon moraat, moyaat in ginanea kon bayag, sin dikabo koontongan in oaidnea inta moraat tua.

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

PETRUS 2 3:5

Tuodonbí monia diá pirisayaan, kon dunia naa in pinomia i Allah takin singog-Nea. Butá naa pinomia-Nea nongkon tubig doman, bo takin tubig;

HAKIM MITA 20:34

Mosia tua in intau mita inta sinoko piniḻí nongkon bayongan in intau in Israel; kobayong monia tua in 10.000. Bo nobaḻídon in parang inta totok in motoyang kon dodai in intau inta 10.000 tatua nonubu kon Gibea. Intau mita in Benyamin in diábí noirai kon diádon moonggot bo taḷowon in mosia.