MATIUS 24:28 - Alkitab Singog In Mongondow Masa In Tanaa

²⁸ Kon onda oyúon mahaḷuk minatoi, kon tua doman in ḷagapan mokokaan kon mahaḷuk minatoi moyosipun.”

MATIUS 24:28 ပူးပေါင်းရင်းမြစ်များ

YEREMIA 16:16

Ki Tuhan in noguman, “Akuoi in mogoiníbí kon nobarong in mododomok kon toyá sin modomok kon intau mita tanaa. Onda intua mogoiní in Akuoi kon mogogungkú sin mogaḷow kon i monia kon bayongan in buḷud bo tombuḷudnea, bo kon angob mita in tombuḷud batu.

YEHEZKIEL 39:17

Ki Tuhan Inta Totok in moḷantud noguman kon inakó, “Ei intau ilo-ilow, oinídon in bayongan in ḷagapan bo mahaḷuk ibanea mako, sinbá mamangoi nongkon bayongan in tampat bo mokaan kon kuruban inta sinadia-Ku kon i monia. Akuoi in momiabí kon bobutungan moḷoben kon buḷud mita in Israel, kon tua mosia in mokaanbí kon ponoyá bo monginum kon dugú.

HABAKUK 1:8

Kabaḷonea in moḻika-ḻikat in macan tutul, bo moromu-romú nongkon serigala inta gogoyon. Tontaranea mita inta tumakoi kon kabaḷo in mamangoi nongkon butá mita moyayú; mosia in mamangoi naonda bo boniá inta mondagit kon kokaanonnea.

LUKAS 17:37

Dá murí mita i Yesus in noḻibó kon i-Nia, “Kon onda in kobaḻían intua komintan, Tuhan?” Ki Yesus in notubag, “Kon onda oyúon mahaḷuk minatoi, kon tua oyúon doman in ḷagapan mokokaan kon mahaḷuk minatoi in moyosipun.”

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.