MATIUS 24:24 - Alkitab Singog In Mongondow Masa In Tanaa

²⁴ Sin oyúon in mongaku ki Mesias bo mongaku nabi táe mosia tua intaubí mongongakaḷ, tongá mosia in mogaid doman kon tanda mita inta moḷoben bo soaḷ mita inta mokoherang sahingga in aka mobaḻí, yo mosia in mokoakaḷ doman kon intau mita inta ain piniḻí.

MATIUS 24:24 ပူးပေါင်းရင်းမြစ်များ

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

MATIUS 22:14

Bo pangabisannea ki Yesus in noguman, “Nobarong in inoiní, táe noyakag in piniḻí.”

MATIUS 24:11

Moantó in intau inta deeman totuu nabi in mamangoi, bo motundú kon inta noitaḷá kon moantó intau.

MATIUS 24:22

Bo aka kuma bo wakutunea naa bo diá impoḷokan; yo kon bayongan inta nobiag diábí in mosaḷamat. Tongá popisí in intau mita inta sinokopiḻídon dá wakutu tatua inimpoḷokandon.

MATIUS 24:25

Tarukira inta pinoguman-Ku muna kon i monimu.

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

MATIUS 24:5

Sin mobayong in intau in mamangoi bo momaké in tangoi-Ku bo mosia in moguman, ‘Akuoi in ki Mesias!’ Bo mosia naa inta mokopopisí kon mobayong in intau dumudui kon soaḷ inta noitaḷá.

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

YOHANES 4:48

Ki Yesus in noguman kon pogawai in komaḻig tatua, “Aka moiko bo diá nokoontong kon inta mokoherang mita, yo tantú diábí in moiko mopirisaya.”

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.

YOHANES 6:39

Bo naabí in kinoibog i-Nia inta nopotabá kon i-Nakó: Sinbá bayongan intau inta inogoi kon i-Nakó, diá tobatúmai in mobuḻi; táe bá biagon-Ku in mosia kon singgai ponantúan.

OUMAN IN RASUL MITA 20:16

Ki Paulus nogamádon kon kaputusan kon diádon mongandup kon Epesus, sinbá diá tongá moḷumbú kon wakutu. Sin sia in ḻimikat sinbá ḷagidon modapot in Yerusalem kon singgai moḷoben porayaan kon singgai Pentakosta.

SURAT I PAULUS KON JAMAAT RUM 12:18

Moiko musti moramuji mobiag mopopiaan takin bayongan in intau.

GALATIA 4:15

Mosanang totok in moiko tungkuḷ intua, yo tanaa ondadon in pia in gina monimu tatua? Kinotaauanku bidon in kopopia in gina monimu, sin motaaukubí poguman kon tungkuḷ intua moiko in mokobaḻíbí monguil kon batoḷ in mata monimu bo ogoi kon inakó, aka paraḷuonku doman intua.

ULANGAN 13:1

Aka nabi tobatú ande intau totumogoindop mopodandi in mujizat ande inta mokoherang

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

PETRUS 2 3:17

Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.

YOHANES 1 2:18

Uḻe Adíku mita, kopaḷutan in dunia motoyongdon! Bo ná inta ain pinoguman kon i monimu, intau mita inta Mosaturu kon i Kristus in mamangoibí. Bo tanaa mobayongdon in mosia inta mosaturu kon i Kristus. Tua in tandanea kon motoyongdon in kopaḷutan in dunia.

YOHANES 1 2:22

Ki ine in mouboḷ tua, tantú intaubí inta noguman kon ki Yesus tua in deemanbí Datu Mopoposaḷamat inta pinodandi i Allah. Mosia tua in Saturu i Kristus, sin diábí akuonnea in ki Amá andeka Adí.

YOHANES 1 5:18

Kinotaauan naton kon bayongan intau inta ain nobaḻí ki adí mita i Allah, in diábí umuran mogaid kon dosa, sin ki Adí i Allah in umuran moḷukad kon inia, bo ki Inta Moraat in diá mokopongonu kon inia.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.