MATIUS 24:2 - Alkitab Singog In Mongondow Masa In Tanaa

² Ki Yesus in noḻibó kon i monia, “Inontongdon monimu in nion komintan? Poguman-Kudon kon i monimu, diábí tobatúmai in batu kon naa in pomayá mako moitudu motompia kon batu ibanea. Tua komintan daitonbí uuyon.”

MATIUS 24:2 ပူးပေါင်းရင်းမြစ်များ

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”

PETRUS 2 3:11

Lantaran bayongan intua bo daiton rimumudon takin cara natua, dá moiko in musti mobiag mokopotoḷutui? Bo tongá doman mobantung kon i Allah,

WAHYU 21:22

Diábí inontongku in Baḷoi Allah kon bonu in kotá tatua, sin Baḷoi Allah in ki Tuhanbí tontaní, ki Allah inta totok mokawasa, bo Adí in Domba tatua.