MATIUS 24:14 - Alkitab Singog In Mongondow Masa In Tanaa

¹⁴ Bo Habar Mopia kon ki Allah in mamangoi momarenta saḷaku Datu in popotaaudon kon bayongan intau kon dunia naa, sinbá bayongan in intau mokodongogdon kon tua. Bain mobaḻí komintan intua bo moiangoidon in kiamat.”

MATIUS 24:14 ပူးပေါင်းရင်းမြစ်များ

YEHEZKIEL 7:10

Singgai koboditoan in bangusa in Israel in noiangoidon. Aid motogat in mongawasa. Koḷoḷatúan in motompodon.

MATIUS 10:7

Bayádon bo poguman, kon ki Allah in ḷagidon mamangoi momarenta saḷaku Datu.

MATIUS 18:19

Akuoi in bui doman moguman kon i monimu: Aka doyowa in intau kon sigad monimu bo motobatú kon gina bo moigum kon onukabí, yo onu inta pinoigum monia tua, ogoibí i Amá-Ku inta kon soroga.

MATIUS 24:3

Wakutu in ki Yesus iḻimitú kon tudu in Buḷud Zaitun, murí-Nea mita namangoidon kon i-Nia bo nongonguman-Neamai. Kai monia. “Pogumandon kon inami, mongó toonu in tua komintan mobaḻí bo onu in tanda kon koangoian-Mu bo tanda in kopaḷutan dunia naa?”

MATIUS 24:6

Kondongogan monimu in tombá poparangan andeka habar mita moparang, táe dika moondok. Sin tua komintan in mobaḻíbí tongá deemanpabí singgainea.

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MATIUS 9:35

Natuata in inaidan i Yesus kon wakutu in Sia minaya-mayá mako in bayongan kotá bo ḻipu-ḻipúannea. Sia in nobogoi in totundú kon bonu in baḷoi mita pososambayangan bo nopoyaput in Habar Mopia kon naonda in ki Allah momarenta saḷaku Datu. Sia in nongundam doman kon bayongan takit bo yoyiga.

MARKUS 13:10

Habar Mopia nongkon i Allah tua, musti muna potaau magí-mako kon bayongan in bangusa.

LUKAS 2:1

Kon wakutu intua ki Kaisar Agustus nomarenta nokipais in tangoi in bayongan intau kon dodatuan in Rum.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

LUKAS 4:5

Bo Ibilis in nodia kon i Yesus minayá in tampat inta moḷantud bo sinundúnea kon i Yesus in bayongan dodatuan in dunia

OUMAN IN RASUL MITA 1:2

noidapot in singgai kinobingkatan-Nea kon soroga. Kon wakutu in Sia diápa namonik in soroga, takin kawasa in Roho i Allah, Sia in nobogoidon muna in parenta-Nea kon rasuḷ mita inta piniḻí-Nea.

OUMAN IN RASUL MITA 11:28

Kon sigad monia tua oyúon in ki Agabus in tangoinea. Sia in kinawasa in Roho i Allah bo sinimindog nopotaau kon mobaḻí in malarat moḷoben kon dunia naa. (Bo totuubí nobaḻí kon sempo ki Kaisar Klaudius in nomarenta.)

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

OUMAN IN RASUL MITA 17:6

Táe diá nouḻí monia in taya dua, dá ki Yasondon takin in tongonumai intau mopirisaya ibanea in dinia monia kon tayowon intau mita moḷoben kon kotá tatua. Bo totokdon in nomaḷú nanaa: “Intau mita tanaa in mongongacau kon bayongan tampat! Mosia in namangoi doman in kotá naton naa,

OUMAN IN RASUL MITA 19:27

Bahayanea kon tua in diádon mopia in tangoi in porusahaan naton tanaa. Deemanbí doman tongá tua, táe nodapotbi in baḷoi i Dewi Artemis diádon in mangaḻenea. Bokaka sia tua in Dewi Artemis inta umuran duíonmai in bayongan intau kon Asia bo bayongandon in intau kon dunia naa!”

OUMAN IN RASUL MITA 20:25

Bo tanaa in kinotaauanku bidon kon kita in diá bidon moyodungkuḷ bui. Moiko komintan aindon binayáanku pinopoyaputan in Habar kon naonda in ki Allah momarenta saḷaku Datu.

SURAT I PAULUS KON JAMAAT RUM 10:18

Táe akuoi in moḻibó: Degá diápa dinongog monia? Pasti dinongog bidon! Sin kon Buk Motusi ain pinais nanaa, “Singog monia ain kinodongogan kon bayongan in dunia naa, bo onu in pinotaau monia noiyaput kon popod in dunia.”

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

KOLOSE 1:6

Habar nongkon i Allah tatua in noiwayadon kon bayongan dunia naa, bo kobiagan in intau umuran binarakatan in habar tatua, notongkai doman in kobiaganmu ain binarakatan pinangkoipamai in moiko nokodongog kon soaḷ totabi i Allah bo totu-totuu inindongogan monimu intua.

IBRANI 1:6

Táe wakutu in ki Allah nopotabá kon i Adí-Nea guya-guyang tatua namangoi in dunia naa, ki Allah in noguman nanaa: “Bayongan in malaekat i Allah in musti mosumba kon Adí tatua.”

IBRANI 2:5

Malaekat mita in diábí inogoian i Allah in kawasa momarenta kon dunia mobagu singgai moiduduimai, dunia inta yogot oumanon naton tanaa.

WAHYU 14:6

Noiduduimai kon tua akuoi in nokoontong kon tobatú malaekat ibanea inta iḷumayug noḷantud kon ḷangit. Malaekat tatua in nodia kon Habar Mopia inta mononoi sin poyaputon kon intau kon dunia naa bo kon bayongan bangusa, suku bahasa bo negara.

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.