MATIUS 23:8 - Alkitab Singog In Mongondow Masa In Tanaa

⁸ Tongá moiko in dika mokioiní ki ‘Pak Guru’, sin tongábí tobatú in Gurumu bo moiko komintan in ginaḷum.

MATIUS 23:8 ပူးပေါင်းရင်းမြစ်များ

MATIUS 10:25

Mobaḻídon aka tobatú murí motongkai in gurunea, andeka simpaḷ bo motongkai i tuangnea. Aka ki togi baḷoi bo tangoion ki Beelzebul, yo bambíkabí tombonu in baḷoinea tua.”

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MATIUS 23:10

Bo donaaidon doman in moiko moibog tangoian ‘Itoi’, sin tongábí tobatú in itoimu, tuata in ki Mesias.

MATIUS 23:7

Mosia in moibog doman totok horomaton kon pasar, bo moibog doman totok oiníon ki ‘Pak Guru’.

MATIUS 26:25

Ki Yudas inta moposarakan kon i-Nia tua in noguman doman, “Deemanbí akuoi naa Guru?” Ki Yesus in noguman kon inia, “Natua kain singogmu.”

MATIUS 26:49

Noiyaputmai intua Sia inumuna nokipodungkuḷ kon i Yesus bo noguman, “Salam, Pak Guru!” Bodongka nongayok kon i-Nia.

MARKUS 10:51

Iḻibó i Yesus kon inia, “Onu in koibogmu aidan-Ku kon inimu?” Intau bilog tatua in noguman, “Pak Guru, akuoi moibog mokoontong.”

MARKUS 11:21

Bo kinotoropan bui i Petrus onu inta nobaḻí koḷabung. Dá ki Petrus in noguman kon i Yesus, “Pak Guru, indoiaika! Pangkoi in ara inta inodi-odian i Pak Guru tua aindon minatoi!”

MARKUS 14:45

Kon wakutu in ki Yudas noidapotdon, baḷú in sia namangoi kon i Yesus bo noguman, “Pak Guru!” Onda intua inayokannea in ki Yesus.

MARKUS 9:5

Dá ki Petrus in noguman kon i Yesus, “Pak Guru, mopiabí totok kita in kon naa. Mopirabí aka mogaid in kami kon ḷoḷaigan toḷu: tobatú in kon i Pak Guru, tobatú in kon i Musa, bo tobatú doman in kon i Elia.”

LUKAS 22:32

Táe iko Simon, aindon sinambayangan-Ku, sinbá motantú in pirisayamu. Bo aka iko mobuidon mangoi kon i-Nakó, yo mustimubí doman iropotanmu in gina in bayongan ginaḷummu.”

YOHANES 1:38

Ki Yesus in nobobui kon i monia inta dumuduianmai kon i-Nia bo poḷat noḻibó, “Onu in tayakon monimu?” Tubag monia, “Rabi, kon onda in pinogutunan i Rabi?” (Rabi mangaḻenea guru.)

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 11:8

Táe mosia in notubag, “Pak Guru, nobagumai naa intau mita in Yahudi moḷongasidon mogandur in batu kon i Pak Guru, yo tanaa nongonu sin ki Pak Guru mogoiníbí bui mayá intua?”

YOHANES 20:16

Ki Yesus in noguman kon inia, “Maria!” Ki Maria inimindoi kon i Yesus bo noguman kon bonu in singog in Ibrani, “Rabuni!” (Mangaḻenea “Guru”.)

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 3:26

Mosia minayá kon i Yohanes bo noguman, “Pak guru, kinotoropanpa degá i Pak guru in intau inta noyotakin i Pak guru kon ḷoḷanmai in Ongkag in Yordan tua, inta sinundú i Pak guru wakutu intua? Sia nobaptis doman in tanaa mako bo komintan intau mayá kon i-Nia!”

YOHANES 4:31

Dodai intua murí-Nea mita in nonongganutdon kon i Yesus nongaan. “Pak Guru,” kai monia, “Mongaandon.”

YOHANES 6:25

Naonda in intau mita tatua noyodungkuḷdon i Yesus kon ḷoḷan danow, mosia in noḻibó kon i-Nia, “Pak Guru, dodai onda ki Pak Guru noidapot in naa?”

YOHANES 9:2

Murí-Nea mita in noḻibó kon i Yesus, “Pak Guru, nongonu sin intau tanaa in pinolahirbí bilog? Popisí in dosa i ine intua dosanea tontaní andeka dosa i iná bo i amánea?”

KORINTUS 2 1:24

Akuoi in diábí momakisa kon i monimu kon soaḷ onu inta musti pirisayaan monimu, sin moiko in totokdon nopirisaya kon i Kristus. Akuoi in tongábí mogaid moyotakin monimu sinbá modugang pia in gina monimu.

KORINTUS 2 4:5

Sin habar inta pinoyaput nami tua in deemanbí habar soaḷ oaidan nami tontaní. Táe habarbí soaḷ ki Yesus Kristus inta Tuhan; bo kami naa in tongábí simpaḷmu mita popisí in ibog i Tuhan.

EPESUS 3:15

Nongkon i-Niabí intua, bayongan motoḷuadí kon soroga bo kon dunia naa in motarima kon sipatnea tontaní.

PILEMON 1:16

Bo tanaa, sia in deeman bidon tongá tobatú ata kon i utat; táe noiḻiu bidon kon tua. Sia in tumpaḷa bidon intau in Keresten inta kotabi naton. Sia in baragunadon kon i naton apalagi kon inimu! Tantú sia in baraguna bidon totok kon inimu, pinomayá saḷaku ata ande saḷaku utat kon bonu in tabi i Tuhan!

YAKOBUS 3:1

Utat mita! Dikabí mobayong in kon sigad monimu in moibog mobaḻí guru. Kinotaauanbí monimu kon kita inta mobaḻí guru in adilonbí moboga-bogat nongkon intau ibanea.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

WAHYU 22:9

táe sia in noguman kon inakó “Donaai momia naníon, táe sumbadon in ki Allah! Sin akuoi naa in atabí doman naonda bo iko, bo ná doman tai utatmu mita inta nabi bo bayongan intau inta dinumudui kon koyow mita inta kon bonu in buk tanaa!”