MATIUS 23:4 - Alkitab Singog In Mongondow Masa In Tanaa

⁴ Mosia in nobogot kon diaan kinosibuḷ totok, bo mopopotaan kon obaga intau ibanea, táe mosia tontaní in doíbí moḻiai.

MATIUS 23:4 ပူးပေါင်းရင်းမြစ်များ

YESAYA 46:1

Naa in kopaḷutan in dewa mita in Babel; dungkuḷmai patong i Bel bo i Nebo sinumba, táe tanaa in dinatogdon kon ḻikud in bobiagon, nobaḻí dodiaan in bobiagon inta moḷopí.

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

MATIUS 23:3

Manangka intua yo aidaibí in bayongan inta sinundú monia kon inimu. Táe donaai dumudui kon oaid monia, sin mosia in motundú tongá diá aidan monia onu inta sinundú monia.

LUKAS 11:46

Táe ki Yesus in notubag, “Koboditodon doman moiko inta mototundú mita kon agama! Sin moiko in mogaid kon atorang mita inta mobogat aidan, táe moiko tontaní in doíbí dumudui kon atorang tatua.

OUMAN IN RASUL MITA 15:10

Yo nongonu sin tanaa mako moiko in moibogbí moḷawang kon i Allah bo mobogoi in atorang inta totok in mororiga aidan in intau mita inta mopirisaya tanion, bokaka mogoguyangpa naton in diábí doman mokoaid kon tua komintan?

OUMAN IN RASUL MITA 15:28

Sin naabí inta kinoibog in Roho i Allah – bo mopia doman in gina nami – sinbá moiko in diá pokiaidan in oaidan inta moboga-bogat nongkon oaidan mita tanaa:

GALATIA 6:13

Sin mociapa inta nokisunat diábí doman dinumudui kon hukum i Musa. Táe ibogon monia in moiko musti mokisunat, sinbá mosia in motaau dumodia, sin moiko in noibog dinumudui kon atorang tatua.

YOHANES 1 5:3

Sin aka motabi kon i Allah yo mustibí motoindudui kon parenta-Nea mita. Bo parenta-Nea mita in diábí mobogat kon i naton,

WAHYU 2:24

Táe moiko inta ibanea mako kon Tiatira inta diá dinumudui kon totundú inta moraat tatua, bo diá doman nobalajar kon pongotahuan mita in Ibilis, naa in poguman-Ku, diábí dugangan-Ku insibuḷan in tanggungan monimu.