MATIUS 23:32 - Alkitab Singog In Mongondow Masa In Tanaa

³² Dá duduiandon doman in oaid in mogoguyang monimu!

MATIUS 23:32 ပူးပေါင်းရင်းမြစ်များ

KINOBAḺIAN 15:16

Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.

YEREMIA 7:26

Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

YEHEZKIEL 20:4

Ei intau ilo-ilow, nosadiadon degá in iko in monisig kon i monia? Yo, aidaidon! Potoropdon kon i monia in bayongan aid mokorongó inta ain inaidan in mogoguyang monia.

PINOGIAPAN 32:14

Bo tanaa, moiko momarontak ná tai amá mita monimu! Moiko nion in totuubí kon topaanan in intau mita binaradosa inta mokopomuká kon torú i Tuhan dumoko-dokot bui kon bangusa in Israel!

MATIUS 23:31

Táe diábí kinotaauan monimu kon oaid monimu tatua in sabanarnea noginsilangbí kon i monimu tontaní, kon moiko in buíbí in moḷoḻimod kon nabi mita tatua!

MATIUS 23:33

Ei intau mongoromú moiko in buí in intau moraat! Moiko in diábí mokoḷagui kon pohukuman kon bonu in naraka?

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!