MATIUS 23:23 - Alkitab Singog In Mongondow Masa In Tanaa

²³ Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

MATIUS 23:23 ပူးပေါင်းရင်းမြစ်များ

AMSAL 21:3

Oaid inta moadil bo mobanar in mokosanang totok kon gina i Tuhan moiḻiu kon bayongan in sosumba.

YESAYA 28:25

Aka nosadiadon in butánea, bunakanneadon, ná jintan morondí bo jintan mobudó. Sia in momuḷa kon doyowa norupa in gandum poyopipidon, bo kon sínea in pinomuḷa ibanea.

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

HOSEA 6:6

Ibogon-Ku totok in moiko totokdon in monotaau kon i-Nakó bo umuran motabi kon i-Nakó, dika in motubá in moiko bo moposumba in kuruban kon i-Nakó.

IMAMAT 27:30

Mopuḷú noporsen nongkon bungai in boyó, pinomayá gandum ande bungai in ayop mita, tua in kon i Tuhan.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

MATIUS 12:7

Bá kotaauan monimu nanaabí in singog i Tuhan: Koibog-Ku in totabianbí deemanbí onu in pinosumba. Aka kuma bo komangaḻean monimu in tosingogon tatua, yo moiko in diábí mohukum kon intau inta diá kotaḷá.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 9:13

Manangka intua, bayádon bo balajarpa bui mangaḻe in Pirman tanaa, ‘Koibog-Ku in totabianbí, deemanbí onu inta ogoi monimu’. Sin Akuoi namangoi deemanbí mogoiní kon intau noitutui, táe intaubí baradosa.”

LUKAS 11:42

Koboditodon in moiko intau mita in Parisi, sin pododungú mita, pogamaan monimu kon mopuḷú noporsen sin posukur, táe oaid mita moadil bo tabi kon i Allah in iḻiongdon monimu. Aka mogaid kon tobatú, yo ibanea in dikabí koḻiongan.

LUKAS 18:12

Akuoi in mopuasa kodua in todiminggu, bo kon pomuḷoi in diminggu akuoi in umuran mobogoi in mopuḷú noporsen nongkon onu inta nouḻíku.’

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.