MATIUS 23:22 - Alkitab Singog In Mongondow Masa In Tanaa

²² Bo ki ine in nongibot pinodoyon kon soroga, yo sia tua in nongibot doman pinodoyon kon tampat ḷoḻitúan i Allah bo pinodoyon doman kon i-Nia, inta nogutun kon soroga tatua.

MATIUS 23:22 ပူးပေါင်းရင်းမြစ်များ

MAZMUR 11:4

Ki Tuhan in oyúon kon Baḷoi-Nea inta motusi, tampat pomomarentaan-Nea in kon soroga. Sia in umuran monaridi kon umat intau bo nonotaau kon bayongan in oaid monia.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

MATIUS 5:34

Táe Akuoi moguman kon inimu: dikadon mokoimontanmai in mongibot bo popodoyon kon ḷangit, sin ḷangit tua in tampat pomomarentaan i Allah,

OUMAN IN RASUL MITA 7:49

‘Ḷangit in tampatbí pomomarentaan-Ku, bo butá in pomomuntukan-Ku. Dá baḷoipabí onu in pomiaan monimu kon i-Nakó? Kon ondabí in tampat pogogaian-Ku?