MATIUS 23:18 - Alkitab Singog In Mongondow Masa In Tanaa

¹⁸ Moiko in motundú, ‘Aka mongibot podoyon kon meja pototuduan kon sosumba, yo intau tatua in diábí noitogot kon ibotnea tatua; táe aka sia bo mongibot podoyon kon sosumba inta kon tudu in pototuduan kon sosumba tatua, yo sia in noitogot kon ibotnea tatua.’

MATIUS 23:18 ပူးပေါင်းရင်းမြစ်များ

TAWARIKH 2 6:22

Aka intau tobatú pinoponapudan kon kotaḷá kon intau ibanea bo dinia kon mezbah-Mu kon bonu in baḷoi-Mu tanaa sin mongibot kon sia in diá kotaḷá,

PINOGIAPAN 30:2

Aka ḷoḷaki tobatú modandi takin mongibot kon i Tuhan, dá sia in sinumogotdon kon tobatú dandi, sia in musti mogaid kon onu inta ain pinodandinea tatua, bo diábí motaau in monginggamá kon onu inta ain siningognea.

MATIUS 23:16

Koboditodon in moiko itoi mita inta bilog! Bo inta noguman, ‘Aka intau bo mongibot podoyon kon Baḷoi Tuhan, intau tatua in diábí noitogot kon ibotnea; táe aka sia bo mongibot podoyon kon buḷawan inta kon bonu in Baḷoi Tuhan, yo tua in noitogot in sia kon ibotnea.’

MATIUS 23:17

Ei moiko intau mita pompuḷong bo intau mita bilog! Onu degá in moponti-ponting: buḷawan, andeka Baḷoi Tuhan inta nokokudus kon buḷawan tatua?

MATIUS 23:19

Ei moiko intau mita bilog! Onu degá in moponti-ponting barang pinosumba andeka meja inta nokokudus kon inta pinosumba tatua?

MARKUS 7:11

Táe moiko in motundú nanaa: Aka intau moguman kon guyanganea, ‘Onu i musti ogoiku kon i amá bo kon i iná, ain bidon pinosumbaku kon i Allah,’

GALATIA 5:3

Komintanpa doman in akuoi mobogoi in tompoingat kon intau mita inta moramuji mokisunat, sia in musti mopobayá in bayongan inta pinais kon hukum i Musa!