MATIUS 23:14 - Alkitab Singog In Mongondow Masa In Tanaa

¹⁴ Koboditodon in moiko, mototundú mita kon agama bo intau mita in Parisi: Moiko in intau mita inta mongomunapik. Moiko monguboḷ kon intau mita inta dongkadon boba-bobay bo mogagow kon baḷoi monia. Moiko in mosambayang koḷanggo-ḷanggóon sin ponaḷob kon oaid monimu inta moraat tatua. Tuamain hukuman i Allah kon i monimu in pastibí kon moboga-bogat nongkon intau ibanea!]

MATIUS 23:14 ပူးပေါင်းရင်းမြစ်များ

AYUB 22:9

Deemanbí tongá iko diá notuḷung kon intau boba-bobay mita, táe inta uno-unon in dinorotmu doman.

AYUB 31:16

Diápa kon dodai in onda in akuoi in doí notuḷung kon intau inta mokotabi, andeka nopomayá mako kon boba-bobay mita nobiag kinobuḻian in kamang.

IḶUAIAN 22:22

Donaai mopomia ibog-ibog kon i monia inta dongkadon boba-bobay bo adí mita inta uno-unon.

MATIUS 11:24

Manangka intua poguman-Ku kon i monimu: “Kon singgai in pohakiman, hukuman kon intau mita in Sodom in mogaa-gaan nongkon hukuman kon i monimu.”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 23:33

Ei intau mongoromú moiko in buí in intau moraat! Moiko in diábí mokoḷagui kon pohukuman kon bonu in naraka?

MARKUS 12:40

Mosia in monguboḷ kon intau mita inta dongkadon boba-bobay bo mogagow kon baḷoi monia. Aid mita monia moraat oḻingoian monia in sambayang inta mobanat. Mosia tua in notantú bidon kon motarimabí kon hukuman inta moiḻiu in bogat!”

LUKAS 12:48

Táe aka intau inta diá nonotaau kon kinoibog i tuangnea bo sia in nogaid kon inta noitaḷá, dá musti sambokon, yo sia tua in sambokonbí táe koyangkóon.”

LUKAS 20:47

Mosia tua mongongakaḷ kon intau inta dongkadon boba-bobay bo mogagow kon baḷoi monia. Bo oaid monia inta moraat tatua oḻingoian monia in sambayang inta moḷanggó! Hukuman kon i monia tua in nopastibí kon mobogat totok!”

TIMOTIUS 2 3:6

Oyúon in kon sigad monia tua in sinumuotdon kon baḷo-baḷoiannea bo modondouḷug kon bobay mita inta diádon kodaya bo inta nobayongdon totok in taḷá monia sin tongádon umuran dumudui kon ibog in awak.

TITUS 1:10

Sin nobayongdon in intau nobiag diá noitutui, torutama mosia inta nokadai kon hukum i Musa. Mosia mongonguman kon diá totuu sin makusud monguboḷ kon intau.

YAKOBUS 3:1

Utat mita! Dikabí mobayong in kon sigad monimu in moibog mobaḻí guru. Kinotaauanbí monimu kon kita inta mobaḻí guru in adilonbí moboga-bogat nongkon intau ibanea.

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.