MATIUS 22:9 - Alkitab Singog In Mongondow Masa In Tanaa

⁹ Manangka intua bayádon kon pinoyotangaan daḷan bo oinídon in intau mita inta moyodungkuḷ monimu kon tua, bo dia mamangoi kon rame ponikaan tanaa.’

MATIUS 22:9 ပူးပေါင်းရင်းမြစ်များ

YEHEZKIEL 21:21

Datu in Babel in sinimindog kon diug in dopí totundú in daḷan tatua. Sinbá kotaauannea mongo onda in daḷan inta bayáannea, dá nopoigum in sia kon totundú kon berhala mita, monguḻingkó kon bobong pinobonuan kon piot bo monaridi kon poat in mahaḷuk inta bagu pinokuruban.

OBAJA 1:14

Diábí patus in iko in simindog mako kon pinoyotangaan in daḷan sin moḷabot kon intau mita inta moḷagui kon musung, andeka moposarakan kon i monia kon musung kon dodai in mosia kinoantugan in susa.”

MATIUS 20:7

Mosia in notubag kon inia, ‘Kakaa diá onda intau mogoiní kon inami mogaid.’ Dá sia in noguman doman kon i monia, ‘bayádon moiko pogaid kon gobá in anggurku.’

MATIUS 22:10

Dá bobantung mita tatua in minayá bo nosipun kon bayongan in intau inta noyodungkuḷ monia kon daḷan. Intau mita moraat bo intau mita mopia, sahingga nopuḻingdon intau in ruangan pinonikaan tatua.

MATIUS 22:8

Nopaḷut mako, sia in noguman kon bobantungnea mita, ‘Rame ponikaan i adíku naa aindon sinadia komintan, tongá intau mita inta inoiní koina in diádon motaau mamangoi kon rame tanaa.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

OUMAN IN RASUL MITA 13:47

Sin tanaadon in parenta i Tuhan kon inami, ‘Aindon sinantú-Ku in moiko mobaḻí bayag kon bayongan in intau ibanea inta deeman intau in Yahudi, sinbá nongkon i monimu, bayongan in intau kon dunia naa in mosaḷamat.’ ”

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.