MATIUS 22:31 - Alkitab Singog In Mongondow Masa In Tanaa

³¹ Diápa degá kinobacaan monimu onu inta pinoguman i Allah soaḷ intau minatoi inta biniag bui? Ki Allah in noguman nanaa,

MATIUS 22:31 ပူးပေါင်းရင်းမြစ်များ

MATIUS 12:3

Táe ki Yesus in notubag, “Degá diápa kinobacaan monimu onu inta inaidan i Daud bo in intau inta dinumudui kon inia wakutu in mosia ginogoy?

MATIUS 12:7

Bá kotaauan monimu nanaabí in singog i Tuhan: Koibog-Ku in totabianbí deemanbí onu in pinosumba. Aka kuma bo komangaḻean monimu in tosingogon tatua, yo moiko in diábí mohukum kon intau inta diá kotaḷá.

MATIUS 21:16

Bo mosia in noguman kon i-Nia, “Degá dinongog-Mu onu in siningog in mongoadí mita tanaa?” Ki Yesus in notubag kon i monia, “Dinongog-Ku intua! Degá diápa kinobacaan monimu inta pinais kon Buk Motusi nanaa: ‘Nongkon bibig in adí mita mointok bo mongoadí mita inta monetépa aindon sinundú-Mu in mosia mopoyaput in dodayow mita’?”

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MATIUS 22:30

Kon wakutu in kobiagan bui intau, diábí in mobuḷoi bo diábí in pobuḷoion sin mosia in mobiag naonda bo malaekat kon soroga.

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

MATIUS 9:13

Manangka intua, bayádon bo balajarpa bui mangaḻe in Pirman tanaa, ‘Koibog-Ku in totabianbí, deemanbí onu inta ogoi monimu’. Sin Akuoi namangoi deemanbí mogoiní kon intau noitutui, táe intaubí baradosa.”