MATIUS 22:29 - Alkitab Singog In Mongondow Masa In Tanaa

²⁹ Ki Yesus in noguman kon i monia nanaa: “Moiko nion noitaḷá in pororai monimu, sin diá kinomangaḻean monimu in bonu in Buk Motusi, bo kawasa i Allah.

MATIUS 22:29 ပူးပေါင်းရင်းမြစ်များ

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

MATIUS 22:28

Yo ki ine in kon sigad nayapitu tatua in mobaḻí ki buḷoi in bobay tatua kon wakutu in singgai kobiagan? Sin mosia komintan bidon notonibuḷoi takinnea.”

MARKUS 12:24

Ki Yesus in noguman, “Noitaḷádon totok in raian monimu. Diá komangaḻean monimu in Buk Motusi andeka kawasa i Allah.

LUKAS 1:37

Sin aka kon i Allah, diábí in diá motaau aidan-Nea.”

YOHANES 20:9

Dapot kon dodai intua diápa kino mangaḻean monia in onu inta pinais kon bonu in Buk Motusi kon Sia in mustibí mobiag nongkon kinopatoian-Nea.)

OUMAN IN RASUL MITA 26:8

Nongonu sin tai utat mita intau in Yahudi in diábí mopirisaya kon ki Allah in nomiagbí kon intau minatoi?

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

KORINTUS 1 15:34

Mokoposadardon in tanaa, bo donaaidon mogaid kon inta diá mopia. Sabanarnea in bá mustibí mooyá in moiko sin kon sigad monimu oyúonpa in diá nonotaau kon i Allah.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.