MATIUS 22:22 - Alkitab Singog In Mongondow Masa In Tanaa

²² Nokodongog kon tubag-Nea natua noherang totok in mosia bo sinaḷáandon monia in ki Yesus.

MATIUS 22:22 ပူးပေါင်းရင်းမြစ်များ

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

MATIUS 22:33

Intau moantó inta nokodongog kon tua in noibog totok kon onu inta sinundú-Nea.

MATIUS 22:46

Diá tobatúmai in nokotubag kon singog-Nea tatua. Bo mulai singgai tua, diádon in tobatúmai in mokobaḻí mopoḻibó-ḻibómai kon i-Nia.

MATIUS 8:10

Naonda in dinongog i Yesus tosingogon in porwira tatua, noherang totok in Sia. Dá Sia in noguman kon intau mita inta dinumudui kon i-Nia, “Diápa kon dodai in onda in kinodungkuḷan-Ku in koḷoḷoben pirisaya ná tanaa kon sigad in intau in Israel!

MARKUS 12:12

Dá itoi mita Yahudi inta nokodongog kon poumpamaan tatua, moḷongasidon totok modomok kon i Yesus, sin kinotaauan monia kon poumpamaan tatua pinopomakusudbí i Yesus kon i monia. Táe moondok in mosia kon intau moantó. Dá sinaḷáanmai monia in ki Yesus.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

OUMAN IN RASUL MITA 6:10

Tongá mosia in diá mokobayow kon kopopandoi i Stepanus bo Roho inta mosingog kon inia.

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.