MATIUS 22:18 - Alkitab Singog In Mongondow Masa In Tanaa

¹⁸ Ki Yesus nonotaau kon raian monia inta diá mopia tatua, dá Sia in noḻibó, “Nongonu sin moiko in monungkuḷbí kon i-Nakó? Ei moiko intau mita inta diá motuḻid in gina?

MATIUS 22:18 ပူးပေါင်းရင်းမြစ်များ

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 19:3

Bo namangoidon intau mita in Parisi kon i-Nia sin monungkuḷ. Mosia in noḻibó nanaa, “Aka podudui in hukum agama, motaau degá in doyowa motonibuḷoi mogogaatan aka oyúon in binaḻí dodoyonan in soaḷ tatua?”

MATIUS 22:17

Dá pogumanka kon inami: Mongo motaau degá in moguboḻi kon pajak kon i Kaisar andeka diá motaau? Aka podudui in raian-Mu yo naonda?”

MATIUS 22:19

Yo poontongka kon i-Nakó in doit inta poguboḻi monimu kon pajak tua!” Mosia nopoontong in doit dinar kon i-Nia.

MARKUS 12:5

Ki togi gobá tatua nopotabá bui in bobantungnea ibanea. Táe iḻimod monia in bobantungnea tatua. Bo ná doman tua in pinogogaid monia kon bobantung mita inta noiduduimai: oyúon binongkug, oyúon doman iḻimod.

MARKUS 2:8

Táe kon dodaipa doman in tuata kinotaauan i Yesus in raian monia. Dá Sia in noguman, “Nongonu sin moiko in moraibí natua kon bonu in ginamu?

LUKAS 10:25

Noiduduimai kon tua, oyúon mototundú kon agama namangoi bo monungkuḷ kon i Yesus. Sia in noḻibó kon i Yesus, “Pak Guru, onu degá in musti aidanku sinbá akuoi mokouḻí kon kobiagan mopia bo mononoi?”

LUKAS 20:23

Táe kinotaauanbí i Yesus in makusud monia tua. Tuamai in Sia in noguman,

LUKAS 5:22

Táe kinotaauan i Yesus in raian monia tatua, tuamai noḻibó in Sia, “Nongonu sin moiko in moraibí kon natua kon bonu in gina monimu?

LUKAS 9:47

Tongá kinotaauan i Yesus in raian monia tatua, tuamai in ginamá-Nea in mongoadí tobatú bo pinoki sindogan-Nea kon diug-Neamai.

YOHANES 2:25

Tuamai diá bidon paraḷu mokodongog kon tosingogon in intau ibanea, sin kinotaauan-Nea onu in kon bonu in gina intau.

YOHANES 8:6

Ḷoḻibó monia tua in potayakanbí monia kon taḷá i Yesus, sinbá oyúon in baḻíon monia dodoyonan popotaḷáan kon i-Nia. Táe ki Yesus tongá kinumuyung bo nopomais in tononuyú-Nea kon butá.

OUMAN IN RASUL MITA 5:9

Dá ki Petrus in noḻibó bui nanaa “Nongonu sin kamunda motonibuḷoi in moibogbí monungkuḷ kon Roho i Tuhan? Indoiaika in intau mita inta bagu noiangoi minayá noḷobong kon i buḷoimu, sinimindogdon mako kon tayowon in ḷoḻingkop sin modia domandon kon inimu poḷuai sin bayáan ḷobongon.”

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.