MATIUS 21:8 - Alkitab Singog In Mongondow Masa In Tanaa

⁸ Intau inta nobarong totok kon tua nopoompat in pakeang mita monia kon yuak in daḷan, oyúon doman in nomongkó kon tanga mongointok bo pinonangket kon daḷan inta bayáan-Nea.

MATIUS 21:8 ပူးပေါင်းရင်းမြစ်များ

DATU MITA 2 9:13

Dá baḷúdon in yobayat mita i Yehu noḷongkut kon jubah mita monia bo nopoompat kon tukad kon tayowon i Yehu. Bo nogirup in mosia kon torompet poḷat nomaḷú, “Ki Yehu in datu!”

IMAMAT 23:40

Kon singgai dungkuḷ tua moiko in musti mosipú kon bungai in boyómu kon gobámu mita, bo dáun doman mita in palem bo tanga mita in kayu inta norubombong, bo pangkoidon in ramean inta nobaḻí singgai pia in gina sin mohoromat kon i Tuhan Allahmu.

MATIUS 21:7

Dinia monia in keledai kobaayan tatua takin ki adínea. Bodongka inaipan monia in pakeang monia, onda intua ki Yesus sinumakoi kon keledai tatua.

MARKUS 11:8

Mobayong intau in mopoompat in jubah monia kon daḷan, oyúon doman in moporarit in tanga mita mongointok kon daḷan, tanga inta ginamá monia nongkon gobá.

LUKAS 19:36

Kon wakutu in Sia sinumakoipa kon keledai tatua, intau mita nopoompatdon in jubah monia kon yuak in daḷan.

YOHANES 12:13

Dá mosia nogamádon kon daun mita in palem bo minayá nonontomu kon i Yesus. Takin sanang in gina mosia in noguman, “Dayowdon in ki Allah! Binarakatandon in Sia inta namangoi kon bonu in tangoi Tuhan, Datu Israel!”