MATIUS 21:6 - Alkitab Singog In Mongondow Masa In Tanaa

⁶ Bo minayádon in murí-Nea taya dua tatua bo nogaid kon ná inta aindon pinoki aid i Yesus kon i monia.

MATIUS 21:6 ပူးပေါင်းရင်းမြစ်များ

KINOBAḺIAN 12:4

Ki Abram in umur pitu nopuḷú boḻima notaong kon tungkuḷ in sia nonaḷámai kon Haran, sin dinumudui kon parenta i Tuhan kon inia. Ki Abram nobuat bo nopobayá in butá in Kanaan noyotakin i Sarai ki Buḷoinea, bo ki Lot pokuadíonnea, takin bayongan in kapunyaannea bo bobantungnea mita inta nouḻí monia kon Haran. Naonda in mosia nodapot kon Kanaan.

KINOBAḺIAN 6:22

Ki Nuh in dinumudui poḷat nogaid kon bayongan inta pinoki aid i Allah kon inia.

IḶUAIAN 39:43

Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.

IḶUAIAN 40:16

Inaidan i Musa in bayongan tatua pinodudui kon ná inta pinarenta i Tuhan.

YEHEZKIEL 12:7

Bo inaidankudon onu in pinoki aid i Tuhan kon inakó. Kon singgai doman tatua, kon dodai in nobayagpa, sinouḷutkudon in pakakatku mita bo binantaḷ ná biasamai aidan in intau mita inta iḷumbú. Kon dodai in moungkoḷomdon, iḷombanganku in dinding in baḷoiku, bodongka iḻumuai nongin bubú tatua. Koonto-ontong in bayongan in intau, binantaḷ tatua in pinotaanku, onda intua nobuat in akuoi.

MATIUS 21:5

“Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

MATIUS 21:7

Dinia monia in keledai kobaayan tatua takin ki adínea. Bodongka inaipan monia in pakeang monia, onda intua ki Yesus sinumakoi kon keledai tatua.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.