MATIUS 21:5 - Alkitab Singog In Mongondow Masa In Tanaa

⁵ “Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

MATIUS 21:5 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

SAMUEL 2 16:2

Ki Datu Daud in noḻibó kon inia, “Pongonu in naa komintan?” Tubag i Ziba, “Keledai mita tanaa in biag inta baḻíon totakoian in motoḷuadí i Tuang datu, roti bo bungai mita in ayop tanaa in ogoi kon bobantung mita i Tuang datu, bo tubig in anggur tanaa in ogoi kon i monia inta ain noḷopí kon padang gurun.”

DATU MITA IMITÁNEA 1:33

ki datu in noguman kon i monia, “Oinídon in porwiraku mita bo bayádon kon i Salomo adíku ḷoḷaki poyotakin monia. Popotakoidon in sia kon bagalku tontaní, bo diádon in sia kon bokaká in tubig in Gihon.

DATU MITA IMITÁNEA 10:26

Ki Salomo in nogoiní kon intau mita binaḻí tontara in parang inta ná tanaa: 1.400 in kereta in parang bo 12.000 in tontara tumotakoi kon kabaḷo. Ibanea in pinobayánea kon Yerusalem bo ibanea doman in kon bayongan in kotá ibanea.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 40:9

Potakodon kon tudu in buḷud inta moḷantud, bo pobaḷúdon in habar mopia kon Yerusalem! Pomaḷúdon koropot, bo pobaḷúdon in habar mopia kon Sion! Pogumandon kon kotá mita in Yohuda kon ki Allah monia in mamangoi!

YESAYA 62:11

Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”

YEHEZKIEL 34:24

Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

HOSEA 1:7

Táe bangusa in Yohuda in kotabi-Ku. Akuoi ki Tuhan, Allah monia, in moposaḷamatbí kon i monia, táe deemanbí pongin parang, deeman doman pongin kedang andeka piot andeka kabaḷo bo tumotakoinea.”

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

PINOGIAPAN 24:19

Nongkon i Yakub moitukatbí mangoi in pongawasa tobatú, inta moyompat kon musungnea mita.”

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

MATIUS 2:2

Bo mosia noḻibó magí-mako: “Kon onda degá in Sia, datu intau Yahudi inta bagu pinononggadí tua? Kami aindon nokoontong kon tundi-Nea kon dotá in Timur, bo kami naa mamangoi sin mosumba kon i-Nia.”

MATIUS 2:6

Bo iko Betlehem, butá i Yohuda, iko in deemanbí totok in mointok kon sigad monia inta nomarenta kon Yohuda. Sin nongkon inimubí naa moisindog in tobatú intau inta mobaḻí itoi, Sia inta moḷukad kon bayongan umat-Ku kon Israel.”

MATIUS 21:6

Bo minayádon in murí-Nea taya dua tatua bo nogaid kon ná inta aindon pinoki aid i Yesus kon i monia.

LUKAS 24:27

Onda intua nodait-Nea ininsilangan kon i monia in bayongan onu inta pinais kon Buk Motusi soaḷ Sia. Pinangkoi kon inta pinais i Musa nodapot in buk in nabi mita.

YOHANES 1:49

“Pak Guru, guman i Natanael, ki Amá in ki Adí i Allah!”

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

HAKIM MITA 12:14

Ki adínea ḷoḷaki in opat nopuḷú bo ki ompunea mita ḷoḷaki in toḷu nopuḷú. Mosia notukidbí in keledai totakoian. Waḷu notaong in ki Abdon in nobaḻí itoi kon umat in Israel.

HAKIM MITA 5:10

Ei moiko inta sinumakoi kon keledai nobudó, moiko inta iḻimitú kon permadani, bo moiko komintan inta minaya-mayá in sioḷ, pohabardon in kinountungan tanaa!