MATIUS 21:42 - Alkitab Singog In Mongondow Masa In Tanaa

⁴² Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MATIUS 21:42 ပူးပေါင်းရင်းမြစ်များ

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

HABAKUK 1:5

Onda intua ki Tuhan in noguman kon umat-Nea, “Taridiaika in bangusa mita kon diugmumai, dá moherangbí in moiko bo moitongau. Sin kon dodai in iko nobiag oyúonbí in aidan-Ku, inta diábí pirisayaan monimu aka tongá oumanon kon inimu.

MATIUS 21:43

“Dá toropdon,” guman i Yesus, “bayongan hak, saḷaku umat i Allah gamáan nongkon inimu bo ogoi kon bangusa inta moibog dumudui kon parenta mita i Allah. [

OUMAN IN RASUL MITA 4:11

Ki Yesusbí tua inta imakusud in tontagá kon Buk Motusi nanaa, ‘Batu inta iḷumbú in intau mita mogogaid kon bangunan, naanta nobaḻíbí batu inta totok in baraguna.’

SURAT I PAULUS KON JAMAAT RUM 9:33

Kon Buk Motusi ain pinais nanaa soaḷ batu tatua, “Tarukiradon in naa: Ain inukatan-Ku in Sion tobatú batu inta mokopopisí kon intau moipintud; tobatú batu moḷoben inta mokopopisí kon intau moidompaḷak. Táe intau inta mopirisaya kon i-Nia in diábí pokopooyáan-Neamai.”

EPESUS 2:20

inta pinosindog kon tudu in pondasi inta inaidan in rasul mita bo nabi, bo ki Kristus Yesus in nobaḻí batu inta totok moponting.