MATIUS 21:37 - Alkitab Singog In Mongondow Masa In Tanaa

³⁷ Pangabisannea, sia in nopotabá kon i adínea tontaní minayá kon mototomoyó mita tatua, sin pinikirnea: ‘Mosia in moinsimbí kon i adíku.’

MATIUS 21:37 ပူးပေါင်းရင်းမြစ်များ

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YEREMIA 36:3

Dika-dika bo intau in Yohuda mogogai in mogaid kon inta moraat aka mokodongog in mosia kon bayongan in bodito inta bain popouma-Ku kon i monia. Dá ampungan-Kubí in dosa bo aid moraat monia.”

ZEPANYA 3:7

Kon raian-Ku, ‘Tanaa in notantúbí kon umat-Ku in mohoromat kon i-Nakó bo mokidongog kon bayongan in toboḷow-Ku. Notantú bí kon kinotoropan monia totundú inta inogoi-Ku kon i monia.’ Táe noniata magí, nodugangbí in aid monia moraat nongkon inta muna.

MATIUS 21:36

Dá ki togi gobá nopotabá bui kon bobantungnea ibanea, moanto-antó nongkon inta muna, táe mosia pinomia doman monia ná yobayat mita monia muna.

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

MARKUS 12:6

Dá ki inepa in motaau potabá i togi gobá in tanaa mako? Dongkadon tobatú intau, tuata in ki adínea tontaní inta totok in kotabi-tabinea. Pangabisannea pinotabáneadon in ki adínea tatua minayá kon mototomoyó tatua. Pinikirnea, ‘Notantúbí kon horomaton monia in ki adíku tanaa.’

LUKAS 20:13

Pangabisannea ki togi gobá in norai nanaa, ‘Onupa degá in aidanku? O, potabákudon in ki adíku inta kotabi-tabiku. Aka sia yo pasti kon moinsim in mosia!’

YOHANES 1:18

Diábí in nokoimontanmai in nokoontong kon i Allah, koḻikudbí in ki Adí tuḷong i Amá, inta notongkai i Amá bo modagin totok kon i-Nia. Kon i-Nia tuata moniata kon i naton in ki Amá.

YOHANES 1:34

Bo inontongkudon tontaní intua,” guman i Yohanes, “Bo potaaukudon kon i monimu kon Siabí tua in ki Adí i Allah.”

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”