MATIUS 21:36 - Alkitab Singog In Mongondow Masa In Tanaa

³⁶ Dá ki togi gobá nopotabá bui kon bobantungnea ibanea, moanto-antó nongkon inta muna, táe mosia pinomia doman monia ná yobayat mita monia muna.

MATIUS 21:36 ပူးပေါင်းရင်းမြစ်များ

YEREMIA 26:8

Noḻikat naonda in nopaḷut mako in akuoi nopotaau in bayongan koyow i Tuhan ná inta pinarenta-Nea, dinomok monia in akuoi poḷat nomaḷú “Iko in mustibí matoi!

MATIUS 21:35

Táe mototomoyó mita kon gobá tatua nodomok kon bobantung mita inta pinotabá i togi gobá. Tobatú in binongkug monia, bo tobatú doman iḻimod monia, yo ibanea mako in sinoko-arab in batu.

MATIUS 21:37

Pangabisannea, sia in nopotabá kon i adínea tontaní minayá kon mototomoyó mita tatua, sin pinikirnea: ‘Mosia in moinsimbí kon i adíku.’

MATIUS 22:4

Sia in nopotabá bui kon bobantungnea mita ibanea, takin koyow, ‘Pogumandon kon intau mita inta ain sinoko oiní tatua: Kon bayongan kaanon aindon sinadiaku. Sapi mita koḷakian, bo biag inta sinokopiaraku aindon iratá. Bo komintan tua aindon sinadia kon meja. Angoidon in rame ponikaan i adíku singgai in naa!’