MATIUS 21:32 - Alkitab Singog In Mongondow Masa In Tanaa

³² Sin ki Yohanes ain namangoi mopoyotutui in daḷan inta totuu kon i monimu, táe diá pinirisaya monimu in sia. Táe mononagi mita kon pajak bo bobay mita inta sundaḷ nopirisaya kon inia. Sin umpakabí moiko ain nokoontong kon inia, táe moiko in diá angoian in panasaḷan bo moiko in diábí doman mopirisaya kon inia.”

MATIUS 21:32 ပူးပေါင်းရင်းမြစ်များ

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

MATIUS 11:18

Ki Yohanes namangoi, sia in nopuasa bo diá nonginum kon anggur, táe kai monimu sia in kinotoḷangan in dimbuḷó.

MATIUS 21:25

Naa in ḻibóon-Ku, nongkon onda in kawasa inta pinaké i Yohanes nobaptis? Nongkon soroga andeka nongkon intau?” Mosia noyosingog mongo onu in pototubag monia, “Aka kai naton: ‘Nongkon soroga,’ yo Sia in moguman kon i naton, ‘Aka natua, yo nongonu sin moiko in diábí mopirisaya kon i-Nia?’

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

MATIUS 5:46

Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

PETRUS 2 2:21

Maníka intau mita natua in diádon kon dodai in onda in nonotaau kon onu inta noitutui inta sinundú i Tuhan dika in nonotaaudon táe doíbí dinumudui kon parenta-Nea mita inta ain pinotaau kon i monia.

WAHYU 2:21

Sia inogoian-Kudon in kasampatan mogogai in mogaid kon dosanea mita, táe doíbí in sia mogogai mogaid kon soaḷ mita inta mokotor tua.