MATIUS 21:29 - Alkitab Singog In Mongondow Masa In Tanaa

²⁹ Adí tatua in notubag, ‘Doíbí akuoi papa.’ Táe onda intua nobaḷui in raiannea bo minayádon in sia nogaid.

MATIUS 21:29 ပူးပေါင်းရင်းမြစ်များ

IḶUAIAN 4:28

Ki Musa in nongonguman kon i Harun kon bayongan inta pinoguman i Tuhan kon inia tungkuḷ in sia pinotabá mobui kon Mesir, pinotaaunea doman in bayongan inta mokoherang inta musti aidannea.

YEREMIA 44:16

“Kami in doíbí mokidongog kon onu in pinogumanmu kon inami pinodoyon kon tangoi i Tuhan.

YUNUS 3:2

Kai-Nia, “Bayádon kon Niniwe, kotá moḷoben tatua, bo potaaudon kon intaunea mita in koyow inta poguman-Ku kon inimu.”

PINOGIAPAN 10:30

Tubag i Hobab, “Sukur moantó, táe akuoi in moibogbí mobui kon ḻipúku tontaní.”

MATIUS 21:28

“Aka podudui in raianmu yo naonda in ouman tanaa: Oyúon intau kogadí kon doyowa tumpaḷa ḷoḷaki; Sia minayá bo noguman kon adí guya-guyang, ‘Uḻe bayápa kon gobá in anggur bo pogaid singgai naa.’

MATIUS 21:30

Dá guyanga tatua in minayá kon i adínea inta induanea bo noguman kon natua doman. Ki adínea tatua in notubag. ‘O, o papa,’ Táe diábí in sia minayá.

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

OUMAN IN RASUL MITA 26:20

Taran-tarangan in akuoi in mopotaau kon bayongan intau kon musti mogogai in mogaid kon dosa mita in mosia bo moposarakandon in kobiagan monia kon i Allah. Tua komintan in musti poniata kon oaid monia pomuḷoi in singgai. Muna in kon Damsyik in pinopotaauanku kon onu inta nobaḻí tanaa, onda in tua kon Yerusalem bo kon bayongandon in Yudea bo kon sigad doman in intau mita inta deeman Yahudi.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.