MATIUS 21:27 - Alkitab Singog In Mongondow Masa In Tanaa

²⁷ Dá mosia in notubag kon i Yesus, nanaa: “Diá kotaauan nami.” Dá ki Yesus in noguman doman kon i monia, “Aka natua, diá doman poguman-Ku kon i monimu mongo nongkon onda in kawasa inta pinaké-Ku nogaid kon tua komintan.”

MATIUS 21:27 ပူးပေါင်းရင်းမြစ်များ

YESAYA 28:9

Mosia in moguman nanaa kon inakó, kainia, “Kai niamai sia in motundúbí kon i ine? Ki inepabí doman in moparaḷu kon tosingogonnea? Kai niakamai kita naa in mongoadíbí mointok inta bagu inungkak kon teté?

YESAYA 6:10

Bo nogumandon in Sia kon inakó, “Bangkungaidon in raian in intau mita tatua, bongoḷai in bongoḷannea bo bilogai in matanea, sinbá mosia in diá mokoontong, mokodongog andeka momangaḻe, bo momurow mamangoi kon i-Nakó bo mopiadon.”

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

MATIUS 16:3

Bo aka doḷo-doḷom bo ontongon in ḷangit nopuya táe noungkoḷom moiko in moguman, ‘Monguyan in singgai naa.’ Kaadaan in ḷangit motaau monimu poyoposion táe tanda mita in zaman diá kotaauan monimu!”

MATIUS 21:26

Tongá aka tubagan naton, ‘Nongkon intau,’ yo intau moantó tanion tumorú kon i naton sin inanggap monia in ki Yohanes tua in tobatúbí nabi.”

MATIUS 21:28

“Aka podudui in raianmu yo naonda in ouman tanaa: Oyúon intau kogadí kon doyowa tumpaḷa ḷoḷaki; Sia minayá bo noguman kon adí guya-guyang, ‘Uḻe bayápa kon gobá in anggur bo pogaid singgai naa.’

YOHANES 9:30

Intau tatua in notubag, “Mokoherangbí totok aka diá kinotaauan monimu mongo nongkon onda in Sia, bokaka bo binaḻí-Neadon nokoontong in Akuoi.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

KORINTUS 2 4:3

Aka Habar Mopia inta pinoyaput nami tua bo diápa doman komangaḻean, yo dongka bidon intau mita inta tantú mongin daḷan popatoi in diá momangaḻe kon tua.