MATIUS 21:26 - Alkitab Singog In Mongondow Masa In Tanaa

²⁶ Tongá aka tubagan naton, ‘Nongkon intau,’ yo intau moantó tanion tumorú kon i naton sin inanggap monia in ki Yohanes tua in tobatúbí nabi.”

MATIUS 21:26 ပူးပေါင်းရင်းမြစ်များ

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

MATIUS 11:9

Dá degá onu mangaḻe in bayáan monimu? Moindoi degá kon nabi? Totuu! Poguman-Ku kon i monimu, sia tua in noiḻiubí kon nabi.

MATIUS 14:5

Sabanarnea ki Herodes in moibog moḻimod kon i Yohanes, táe sia in moondok kon intau moantó inta nonganggap kon ki Yohanes tua in tobatúbí nabi.

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

MATIUS 21:25

Naa in ḻibóon-Ku, nongkon onda in kawasa inta pinaké i Yohanes nobaptis? Nongkon soroga andeka nongkon intau?” Mosia noyosingog mongo onu in pototubag monia, “Aka kai naton: ‘Nongkon soroga,’ yo Sia in moguman kon i naton, ‘Aka natua, yo nongonu sin moiko in diábí mopirisaya kon i-Nia?’

MATIUS 21:27

Dá mosia in notubag kon i Yesus, nanaa: “Diá kotaauan nami.” Dá ki Yesus in noguman doman kon i monia, “Aka natua, diá doman poguman-Ku kon i monimu mongo nongkon onda in kawasa inta pinaké-Ku nogaid kon tua komintan.”

MATIUS 21:46

Dá ḷongasiondon monia domokon in Sia, táe mosia moondok kon intau moantó kon tua, sin inanggap in intau moantó tatua kon Sia tua in nabi.

MARKUS 11:32

Táe moyoyigabí doman aka poguman naton, ‘Hak nongkon intau.’ ” Sin mosia moondok kon intau mobarong, sin intau mobarong tatua nonganggapdon kon ki Yohanes tua in nabibí.

MARKUS 12:12

Dá itoi mita Yahudi inta nokodongog kon poumpamaan tatua, moḷongasidon totok modomok kon i Yesus, sin kinotaauan monia kon poumpamaan tatua pinopomakusudbí i Yesus kon i monia. Táe moondok in mosia kon intau moantó. Dá sinaḷáanmai monia in ki Yesus.

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

LUKAS 20:19

Mototundú mita kon agama bo imang mita itoi in nonotaaudon kon poumpamaan-Nea tatua in pinomakusud-Neabí kon i monia, dá ḷongasiondon monia domokon in Sia kon dodai intua. Táe mosia in moondok kon intau mobayong tatua.

LUKAS 20:6

Táe aka tubagan naton, ‘Nongkon intau, dá intau mita tanion mogarabbí in batu kon inaton,’ sin mosia in mopirisayabí kon ki Yohanes tua in tobatúbí nabi.”

LUKAS 22:2

Imang mita itoi bo mototundú mita kon agama norai mongo naonda in poḷoḻimod monia kon i Yesus, táe umuni-uni sin moondok kon intau moantó.

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

OUMAN IN RASUL MITA 5:26

Dá bui bo binayá ginamá in itoi mita inta moḷoḷukad kon Baḷoi Tuhan bo in intaunea mita in mosia. Táe ki pia-piabímai in mosia in nodia kon i monia, sin moondok kon intau moantó kon tua sin dikabo ara bo monia.