MATIUS 21:25 - Alkitab Singog In Mongondow Masa In Tanaa

²⁵ Naa in ḻibóon-Ku, nongkon onda in kawasa inta pinaké i Yohanes nobaptis? Nongkon soroga andeka nongkon intau?” Mosia noyosingog mongo onu in pototubag monia, “Aka kai naton: ‘Nongkon soroga,’ yo Sia in moguman kon i naton, ‘Aka natua, yo nongonu sin moiko in diábí mopirisaya kon i-Nia?’

MATIUS 21:25 ပူးပေါင်းရင်းမြစ်များ

MATIUS 16:7

Dá mosia in norai bo noguman, “Sia nosingog kon natua sin kita in diá nodia kon roti.”

MATIUS 21:24

Ki Yesus noguman kon i monia nanaa, “Akuoi in moḻibó doman kon i monimu bo aka kotubagan monimu onu in ḻibóon-Ku, yo poguman-Ku doman kon i monimu mongo kawasa i ine in pinogaid-Ku kon tua komintan.

MATIUS 21:26

Tongá aka tubagan naton, ‘Nongkon intau,’ yo intau moantó tanion tumorú kon i naton sin inanggap monia in ki Yohanes tua in tobatúbí nabi.”

LUKAS 14:4

Táe mosia tongá kibio-biómai. Dá inoiní i Yesus in intau tatua bo inundaman. Onda intua pinotabá-Neadon minayá in sia.

LUKAS 20:5

Dá mosia in noyosingog mongo onu in potubag, kai monia, “Aka tubagan naton nongkon i Allah, dá Sia in moḻibóbí nanaa, ‘Aka natua yo nongonu sin moiko in diábí mopirisaya kon inia?’

YOHANES 1:15

Ki Yohanes in namangoi saḷaku sakusi-Nea, sia in nopohabar: “Naadon in Sia inta pinogumanku: Moiduduimai kon inakó, moiangoi in Sia inta mokawa-kawasa nongkon inakó, sin Sia in oyúondon kon wakutu in akuoi diápa.”

YOHANES 1:6

Namangoidon in tobatú intau inta pinotabá i Allah, ki Yohanes in tangoinea.

YOHANES 3:18

Intau inta mopirisaya kon i-Nia in diábí hukumon. Táe intau inta diá mopirisaya in hukumondon i Allah, sin diá mopirisaya kon i Adí-Nea inta tuḷong.

YOHANES 1 3:20

Kinotaauandon naton, kon aka kita bo potaḷáandon in gina naton, yo ki Allahbí in mopando-pandoi nongkon gina naton, bo kinotaauan-Neabí in bayongan yagi-yagi.