MATIUS 21:23 - Alkitab Singog In Mongondow Masa In Tanaa

²³ Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

MATIUS 21:23 ပူးပေါင်းရင်းမြစ်များ

IḶUAIAN 2:14

Intau tatua in notubag, “Ki ine in noduí kon inimu itoi bo hakim kon i nami? Degá ḻimodonmu doman in akuoi, ná intau in Mesir inta iḻimodmu tua?” Bo ki Musa inagíandon in ondok bo norai, “Mobodito! Oaidku tatua aindon kinotaauan.”

MATIUS 20:4

Dá sia in noguman kon i monia, ‘Bayádon in moiko bo pogaid kon gobá in anggurku, bain uboḻianku in moiko, podudui onu in kon ibogku ogoi kon inimu.’ Bo mosia tua in minayá doman bo nogaid.

MATIUS 21:24

Ki Yesus noguman kon i monia nanaa, “Akuoi in moḻibó doman kon i monimu bo aka kotubagan monimu onu in ḻibóon-Ku, yo poguman-Ku doman kon i monimu mongo kawasa i ine in pinogaid-Ku kon tua komintan.

MATIUS 24:1

Nopaḷut mako nosingog kon natua, ki Yesus iḷumuai kon Baḷoi Tuhan, bo minayá. Murí-Nea mita namangoi bo notundú kon bangunan Baḷoi Tuhan tatua.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

LUKAS 19:47

Pomuḷoi in singgai Sia mayá mobogoi in totundú kon bonu in Baḷoi Tuhan. Imang mita itoi bo mototundú mita kon agama takin itoi mita intau Yahudi moibogdon moḻimod kon i-Nia,

LUKAS 20:1

Kon singgai tobatú, ki Yesus yogot in motundú bo mopoyaput in Habar Mopia nongkon i Allah kon intau mita inta kon bonu in Baḷoi Tuhan. Imang mita itoi, mototundú mita kon agama, bo itoi mita intau Yahudi in namangoi,

OUMAN IN RASUL MITA 4:7

Ki Petrus bo ki Yohanes in dinia kon tayowon sidang tatua bo mulai pinoḻibo-ḻibóan kon rupa-rupa, kai monia, “Naonda in pinongongundam monimu kon intau inta ḻempeng tatua? Ropot bo kawasa i ine in pinogaid monimu kon tua?”

OUMAN IN RASUL MITA 7:27

Táe intau inta nomongkug kon yobayatnea tatua in nonuḷud kon i Musa bo noguman, ‘Eta ki ine in nopobaḻí kon inimu itoi bo hakim kon sigad nami?