MATIUS 21:21 - Alkitab Singog In Mongondow Masa In Tanaa

²¹ Ki Yesus notubag kon i monia, “Poguman-Ku kon i monimu, aka moiko bo totu-totuu mopirisaya bo diá mohawatir, yo moiko in deemanbí tongá motaau mogaid kon ná inta pinomia-Ku kon pangkoi in ara tatua, táe moiko motaaubí doman moguman kon buḷud tanaa, ‘Pobuatdon nongkon tampatmu tanion bo koḷabúdon kon bonu in dagat’; yo mobaḻíbí doman intua.

MATIUS 21:21 ပူးပေါင်းရင်းမြစ်များ

MATIUS 14:29

Ki Yesus notubag, “Angoidon!” Dá ki Petrus noponag kon uangga, bo minayá kon i Yesus nongin tudu in tubig.

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MATIUS 21:20

Nokoontongmai kon inta nobaḻí tatua, murí-Nea mita noherang totok bo noguman, “Naondabí sin pangkoi in ara tatua baya-bayábí noingkag komintan?”

MATIUS 8:12

Táe intau mita inta sabanarnea mobaḻí tombonu in soroga toko pogonagdon kon tampat inta mosindip totok. Kon tua kodongogandon in ombaḷ bo roriga.”

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!

YAKOBUS 1:6

Tongá intau inta moigum in musti mopirisaya bo mokopotantú kon gina. Sin intau inta diá motantú in gina naonda bo bokoḷ kon dagat inta poyambá magí-mako in tompot.